.jpg)
വയനാട് ടൗണ്ഷിപ്പ് ; 17 വീടുകള് കൂടി ഇന്ന് കൈമാറും; മെയ് പകുതിയോടെ മുഴുവന് കൈമാറാന് കഴിയുമെന്ന് ഊരാളുങ്കല്
വയനാട് ടൗണ്ഷിപ്പിലെ 17 വീടുകള് കൂടി ഇന്ന് കൈമാറും. ടൗണ്ഷിപ്പിലെ രണ്ട് ക്ലസ്റ്ററുകളിലുമായാണ് വീടുകള് ഇന്ന് കൈമാറുന്നത്. ഇതോടെ ഗുണഭോക്താക്കള്ക്ക് കൈമാറുന്ന വീടുകളുടെ എണ്ണം 43 ആകും. സര്ക്കാര് കൈമാറിയ 178 വീടുകളില് നിര്മ്മാണം മുഴുവന് പൂര്ത്തീകരിച്ച് മൂന്നു ഘട്ട പരിശോധനയും നടത്തിയാണ് വീടുകള് നല്കുന്നത്. 102 വീടുകളാണ് മൂന്നാംഘട്ട പരിശോധനയ്ക്ക് തയാറായിരിക്കുന്നത്. മെയ് പകുതിയോടെ മുഴുവന് കൈമാറാന് കഴിയുമെന്ന് ഊരാളുങ്കല് വ്യക്തമാക്കി.
വയനാട് ടൗണ്ഷിപ്പിലെ ആദ്യഘട്ട വീടുകളില് 26 വീടുകള് ദുരന്തബാധിതര്ക്ക് കഴിഞ്ഞ ദിവസം കൈമാറിയിരുന്നു. അന്തിമ ഗുണനിലവാര പരിശോധനകള്ക്കായി ആദ്യഘട്ടത്തിലെ മുഴുവന് വീടുകളും നിര്മ്മാണ ചുമതലയുള്ള ഊരാളുങ്കല്, നടത്തിപ്പ് ചുമതലയുള്ള കിഫ് കോണിന് കൈമാറിയിട്ടുണ്ട്.
ആദ്യഘട്ടത്തിലെ 178 വീടുകളില് 56 വീടുകളുടേതാണ് രണ്ടാംഘട്ട ഗുണനിലവാര പരിശോധനയും പൂര്ത്തിയായത്. ഇതില് നിന്നുമാണ് അന്തിമ ഗുണനിലവാര പരിശോധനയ്ക്ക് ശേഷം 26 വീടുകള് കഴിഞ്ഞ ദിവസം കൈമാറിയത്. ക്ലസ്റ്ററുകള് തിരിച്ച് വീടുകള് കൈമാറും എന്നായിരുന്നു ഊരാളുങ്കല് അധികൃതര് പറഞ്ഞിരുന്നത്.