.jpg)
വാളയാറിലെ ആള്ക്കൂട്ട ആക്രമണം: കൊല്ലപ്പെട്ട അതിഥി തൊഴിലാളി രാംനാരായണിന്റെ ബന്ധുക്കള് ഇന്ന് തൃശൂരില് എത്തും
തൃശൂര് മെഡിക്കല് കോളജില് സൂക്ഷിച്ചിട്ടുള്ള മൃതദേഹം നാട്ടിലേക്ക് കൊണ്ടുപോകുന്ന കാര്യത്തില് പിന്നീട് നിലപാട് വ്യക്തമാക്കും.
പാലക്കാട് വാളയാറില് ആള്ക്കൂട്ട ആക്രമണത്തില് കൊല്ലപ്പെട്ട അതിഥി തൊഴിലാളി രാംനാരായണന് ഭയ്യയുടെ ബന്ധുക്കള് ഇന്ന് തൃശൂരില് എത്തും. ഭാര്യയും മറ്റ് കുടുംബാംഗങ്ങളുമാണ് ഉച്ചയോടെ തൃശൂരില് എത്തുക. തൃശൂര് മെഡിക്കല് കോളജില് സൂക്ഷിച്ചിട്ടുള്ള മൃതദേഹം നാട്ടിലേക്ക് കൊണ്ടുപോകുന്ന കാര്യത്തില് പിന്നീട് നിലപാട് വ്യക്തമാക്കും.
tRootC1469263">കുടുംബത്തിലെ ധനസഹായം നല്കണമെന്ന് ആവശ്യപ്പെട്ട് മനുഷ്യാവകാശ പ്രവര്ത്തകരും രാഷ്ട്രീയ പ്രവര്ത്തകരും രംഗത്ത് എത്തിയിട്ടുണ്ട്. ശരിയായ അന്വേഷണവും നടപടിയും കേസില് ഉണ്ടാകണമെന്നും മനുഷ്യാവകാശ പ്രവര്ത്തകര് ആവശ്യപ്പെട്ടു.
കേസില് ക്രൈംബ്രാഞ്ച് അന്വേഷണം ഏറ്റെടുത്തു. ക്രൈംബ്രാഞ്ച് ഡിവൈഎസ്പിയുടെ നേതൃത്വത്തിലാകും അന്വേഷണം. നിലവില് അഞ്ചുപേരുടെ മാത്രമാണ് അറസ്റ്റ് രേഖപ്പെടുത്തിയിട്ടുള്ളത്. ക്രൈംബ്രാഞ്ച് അന്വേഷണത്തിന് ശേഷമാകും തുടര്നടപടികള്.
