.jpg)
വിജിലന്സിന്റെ 'ഓപ്പറേഷന് ഷോര്ട്ട് സര്ക്യൂട്ട്'; കെഎസ്ഇബി ഓഫീസുകളിൽ കണ്ടെത്തിയത് 16.5 ലക്ഷം രൂപയുടെ അഴിമതി
തിരുവനന്തപുരം: കെഎസ്ഇബി ഓഫീസുകളില് നടന്ന വിജിലന്സിന്റെ സംസ്ഥാനതല മിന്നല് പരിശോധനയില് ലക്ഷങ്ങളുടെ അഴിമതിയും വ്യാപകക്രമക്കേടും കണ്ടെത്തി. ഇന്ന് രാവിലെ രാവിലെ 10.30 മുതല് സംസ്ഥാനത്തെ 70 ഇലക്ട്രിക്കല് സെക്ഷന് ഓഫീസുകളിലാണ് ഒരേസമയം പരിശോധന നടന്നത്. കരാറുകാരില്നിന്നും കമ്മീഷന് ഇനത്തില് ഉദ്യോഗസ്ഥര് കൈക്കൂലി വാങ്ങി പരിശോധന നടത്താതെ ബില് മാറി കൊടുക്കുന്നുവെന്ന വിവരത്തിന്റെ അടിസ്ഥാനത്തിലാണ് 'ഓപ്പറേഷന് ഷോര്ട്ട് സര്ക്യൂട്ട്' എന്ന പേരില് റെയ്ഡ് നടത്തിയതെന്ന് വിജിലന്സ് അറിയിച്ചു.
tRootC1469263">വിവിധ സെക്ഷന് ഓഫിസുകളിലെ 41 ഉദ്യോഗസ്ഥര് പല കരാറുകാരില് നിന്നായി 16,50,000 രൂപ അക്കൗണ്ടുകളിലൂടെ മാത്രം കൈക്കൂലിയായി കൈപ്പറ്റിയതായാണ് വിജിലന്സ് കണ്ടെത്തല്. ഇ-ടെണ്ടര് ഒഴിവാക്കാനായി വലിയ ജോലികളെ ചെറിയ ഭാഗങ്ങളായി വിഭജിച്ച് ക്വട്ടേഷന് ക്ഷണിക്കുന്നു. ലൈസന്സ് ഇല്ലാത്തവര്ക്കും ഉദ്യോഗസ്ഥരുടെ ബിനാമികള്ക്കും കരാറുകള് നല്കുന്നു. എസ്റ്റിമേറ്റ് പ്രകാരമുള്ള അളവില് സാധനങ്ങള് ഉപയോഗിക്കാതെയും മഫിംഗ് പോലുള്ള ജോലികള് ഒഴിവാക്കിയും ക്രമക്കേട് നടത്തുന്നു. സ്ക്രാപ്പ് രജിസ്റ്റര്, ലോഗ് ബുക്ക്, വര്ക്ക് രജിസ്റ്റര് എന്നിവ പലയിടത്തും കൃത്യമായി സൂക്ഷിക്കുന്നില്ല എന്നിങ്ങനെ നിരവധി ക്രമക്കേടുകള് പല ഓഫീസുകളിലായി കണ്ടെത്തി. കഴിഞ്ഞ 5 വര്ഷം നടത്തിയ കരാര് പ്രവൃത്തികളാണ് വിജിലന്സ് പരിശോധനയ്ക്ക് വിധേയമാക്കിയത്.
