.jpg)
വിധി എന്തായാലും സർക്കാർ അതിജീവിതമാർക്കൊപ്പമാണ് : സജി ചെറിയാൻ
കൊച്ചി : നടി ആക്രമിക്കപ്പെട്ട കേസിൽ വിധി എന്തായാലും സർക്കാർ അതിജീവിതമാർക്കൊപ്പമാണെന്ന് സാംസ്കാരിക മന്ത്രി സജി ചെറിയാൻ വ്യക്തമാക്കി. സ്ത്രീ സമൂഹത്തോടൊപ്പം ചേർന്നുനിൽക്കുമെന്നും, ഇത്തരം ആക്രമണങ്ങൾക്ക് വിധേയരായവർക്ക് വേണ്ട സംരക്ഷണം ഉറപ്പാക്കുമെന്നും അദ്ദേഹം മാധ്യമങ്ങളോട് പറഞ്ഞു.
tRootC1469263">കോടതി വിധിയുടെ പൂർണ്ണരൂപം വിശദമായി മനസ്സിലാക്കിയ ശേഷം സർക്കാർ ഉചിതമായ തീരുമാനമെടുക്കുമെന്നും മന്ത്രി അറിയിച്ചു. “കേസിൽ ഗൂഢാലോചന നടന്നിട്ടുണ്ടെന്നാണല്ലോ മനസ്സിലാകുന്നത്. ഗൂഢാലോചന സംബന്ധിച്ച് എല്ലാ നിരീക്ഷണങ്ങളോടെയുമാണ് അന്വേഷണ സംഘം കുറ്റപത്രം സമർപ്പിച്ചത്. വർഷങ്ങളോളം കേസിൽ വാദപ്രതിവാദങ്ങൾ നടന്നു. എല്ലാ നിരീക്ഷണങ്ങളും വെച്ചുകൊണ്ടാണ് കോടതി കണ്ടെത്തൽ നടത്തുന്നത്. വിഷയത്തിൽ സർക്കാർ ശരിയായ നിലപാട് സ്വീകരിക്കും,” സജി ചെറിയാൻ പറഞ്ഞു.
സിനിമാ വ്യവസായവുമായി ബന്ധപ്പെട്ട് പ്രവർത്തിക്കുന്ന സ്ത്രീകൾക്ക് യാതൊരുവിധ അപകടവും ഇല്ലാതിരിക്കാൻ അവർക്ക് സംരക്ഷണം ഒരുക്കേണ്ടത് സർക്കാരിന്റെ ഉത്തരവാദിത്തമാണെന്നും അദ്ദേഹം എടുത്തുപറഞ്ഞു. “ആ സംരക്ഷണം ഒരുക്കുന്നതിനുള്ള നിയമനിർമ്മാണത്തിലേക്ക് പോകുകയാണ്. വരും മാസങ്ങൾ അതിനു വേണ്ടിയാണ് മാറ്റിവെച്ചിരിക്കുന്നത്,” മന്ത്രി കൂട്ടിച്ചേർത്തു. അതായത്, സിനിമ മേഖലയിലെ സ്ത്രീ സുരക്ഷ ഉറപ്പാക്കുന്നതിനായുള്ള നിയമനിർമ്മാണ നടപടികളുമായി സർക്കാർ മുന്നോട്ട് പോകുമെന്നും അദ്ദേഹം സൂചന നൽകി.