.jpg)
നിയമപ്രകാരമുള്ള നടപടികൾ പാലിച്ചില്ല; വെള്ളാപ്പള്ളി നടേശനെ എസ്എന്ഡിപി ജനറല് സെക്രട്ടറി സ്ഥാനത്തു നിന്നു നീക്കി
കൊച്ചി:വെള്ളാപ്പള്ളി നടേശനെ എസ്എന്ഡിപി യോഗം ജനറല് സെക്രട്ടറി സ്ഥാനത്തു നിന്നും നീക്കി ഹൈക്കോടതി. അന്തരിച്ച പ്രൊഫ. എം കെ സാനു അടക്കമുള്ളവര് സമര്പ്പിച്ച ഹര്ജിയിലാണ് ഹൈക്കോടതി ഉത്തരവിട്ടത്. കമ്പനി നിയമപ്രകാരമുള്ള നടപടികൾ പാലിച്ചിട്ടില്ലെന്ന കണ്ടെത്തലിന്റെ അടിസ്ഥാനത്തിലാണ് നടപടി. സംഘടനയിലെ ക്രമക്കേടുകളുടെ പശ്ചാത്തലത്തില് വെള്ളാപ്പള്ളി നടേശനെ അയോഗ്യനാക്കണമെന്നും, ജനറല് സെക്രട്ടറി പദവിയില് നിന്നും നീക്കണമെന്നുമാണ് ഹര്ജിയില് ആവശ്യപ്പെട്ടിരുന്നത്.
കമ്പനിനിയമപ്രകാരം രജിസ്റ്റര് ചെയ്തിട്ടുള്ള എസ്എന്ഡിപി യോഗം 2006 നുശേഷം കണക്കുകള് ബോധിപ്പിച്ചിട്ടില്ല. അതിനാല് ഭരണസമിതിക്ക് തുടരാന് യോഗ്യതയില്ലെന്നും ഹര്ജിക്കാര് ചൂണ്ടിക്കാട്ടിയിരുന്നു. ഹര്ജിയില് വിശദമായ വാദം കേട്ടശേഷമാണ് വെള്ളാപ്പള്ളിയെ അയോഗ്യനാക്കി ജസ്റ്റിസ് ടി ആര് രവിയുടെ ഉത്തരവ്.വെള്ളാപ്പള്ളി നടേശനെ മാറ്റി, എസ്എൻഡിപി യോഗത്തിന്റെ ഭരണത്തിനായി അഡ്മിനിസ്ട്രേറ്ററെ നിയോഗിക്കണമെന്നാണ് എംകെ സാനു അടക്കമുള്ളവര് ഹര്ജിയില് ആവശ്യപ്പെട്ടിരുന്നു. വെള്ളാപ്പള്ളിയുടെ ഏകാധിപത്യമാണ് സംഘടനയില് നടക്കുന്നത്. കൃത്യമായ കണക്കുകള് സംഘടനയെ ബോധിപ്പിക്കുന്നില്ല. എസ്എന്ഡിപിയോഗത്തില് വലിയ ക്രമക്കേടുകളാണ് നടക്കുന്നതെന്നും ഹര്ജിയില് ചൂണ്ടിക്കാട്ടിയിരുന്നു.
