മുഖ്യമന്ത്രി വി.ഡി സതീശന്റെ ചാർട്ടേഡ് യാത്രയ്ക്ക് പണം മുടക്കിയത് ചിപ്സൻ ഏവിയേഷൻ, രേഖകൾ പുറത്ത് ; ഹെലികോപ്റ്റർ കരാറുമായി ബന്ധപ്പെട്ട വാഗ്ദാനങ്ങളുടെ ഭാഗമോ ?

 ചാർട്ടേഡ് വിമാനയാത്ര വിവാദത്തിൽ മുഖ്യമന്ത്രി വി.ഡി സതീശന് തുക സ്പോൺസർ ചെയ്തത് ഡൽഹി ആസ്ഥാനമായുള്ള ചിപ്സൺ ഏവിയേഷനാണെന്ന് (Chipson Aviation) വ്യക്തമാക്കുന്ന പ്രൊഫോമ ഇൻവോയ്സ് രേഖകൾ പുറത്തുവന്നു. കർണാടക മന്ത്രി കെ.ജെ. ജോർജിന്റെ ഉടമസ്ഥതയിലുള്ള കേളചന്ദ്ര (Kela Chandra) ഗ്രൂപ്പിന്റെ വിമാനമാണ് യാത്രയ്ക്കായി ഉപയോഗിച്ചത്. ഈ യാത്രയ്ക്കായി ജി.എസ്.ടി (GST) ഉൾപ്പെടെ ആകെ 19,88,595 രൂപയാണ് (പത്തൊൻപത് ലക്ഷത്തി എൺപത്തിയെണ്ണായിരം അഞ്ഞൂറ്റി തൊണ്ണൂറ്റി അഞ്ച് രൂപ) ചിപ്സൺ ഏവിയേഷൻ കേളചന്ദ്ര ഗ്രൂപ്പിന് നൽകിയിരിക്കുന്നത്.

മലപ്പുറത്തെ പ്രകൃതിദുരന്ത മേഖല സന്ദർശിക്കാൻ സെപ്റ്റംബർ 21-നാണ് മുഖ്യമന്ത്രി തിരുവനന്തപുരത്ത് നിന്ന് ചാർട്ടേഡ് വിമാനത്തിൽ യാത്ര ചെയ്തത്. എയർക്രാഫ്റ്റ് വാടകയായി 16,85,250 രൂപയും 18 ശതമാനം ഐ.ജി.എസ്.ടി (IGST) ഇനത്തിൽ 3,03,345 രൂപയുമാണ് കണക്കാക്കിയിരിക്കുന്നത്. 

ചാർട്ടേഡ് വിമാനത്തിന്റെ സ്പോൺസർ ആരാണെന്ന് വെളിപ്പെടുത്താൻ കഴിഞ്ഞദിവസം നടന്ന വാർത്താസമ്മേളനത്തിൽ മുഖ്യമന്ത്രി വിസമ്മതിച്ചിരുന്നു. യാത്രയ്ക്ക് സർക്കാരിന് യാതൊരു ചെലവും വന്നിട്ടില്ലെന്നും ചില അഭ്യുദയകാംഷികളാണ് തുക മുടക്കിയതെന്നുമായിരുന്നു മുഖ്യമന്ത്രിയുടെ ന്യായീകരണം. എന്നാൽ നിലവിൽ പുറത്തുവന്ന ഔദ്യോഗിക രേഖകൾ മുഖ്യമന്ത്രിയുടെ വാദങ്ങളെ പൂർണ്ണമായി തള്ളുന്നതാണ്.

പൊലീസിന് വേണ്ടി കരാർ അടിസ്ഥാനത്തിൽ മൂന്ന് വർഷമായി ഹെലികോപ്റ്റർ വാടകയ്ക്ക് നൽകിയിരുന്ന കമ്പനിയാണ് ചിപ്സൺ ഏവിയേഷൻ. ഈ കരാർ അവസാനിച്ച സാഹചര്യത്തിൽ, വ്യവസ്ഥകളിൽ മാറ്റം വരുത്തി പുതിയ കരാർ കരസ്ഥമാക്കാൻ ചിപ്സൺ ശ്രമിക്കുന്നതിനിടെയാണ് മുഖ്യമന്ത്രിയുടെ യാത്രയ്ക്കായി ഇത്രയും വലിയ തുക കമ്പനി ചെലവഴിച്ചിരിക്കുന്നത് എന്ന വിവരം പുറത്തുവരുന്നപൊലീസിന് വേണ്ടി കരാർ അടിസ്ഥാനത്തിൽ മൂന്ന് വർഷമായി ഹെലികോപ്റ്റർ വാടകയ്ക്ക് നൽകിയിരുന്ന കമ്പനിയാണ് ചിപ്സൺ ഏവിയേഷൻ. ഈ കരാർ അവസാനിച്ച സാഹചര്യത്തിൽ, വ്യവസ്ഥകളിൽ മാറ്റം വരുത്തി പുതിയ കരാർ കരസ്ഥമാക്കാൻ ചിപ്സൺ ശ്രമിക്കുന്നതിനിടെയാണ് മുഖ്യമന്ത്രിയുടെ യാത്രയ്ക്കായി ഇത്രയും വലിയ തുക കമ്പനി ചെലവഴിച്ചിരിക്കുന്നത് എന്ന വിവരം പുറത്തുവരുന്നത്. ഹെലികോപ്റ്റർ കരാറുമായി ബന്ധപ്പെട്ട വാഗ്ദാനങ്ങളുടെ ഭാഗമാണോ ഈ സാമ്പത്തിക ഇടപാടെന്ന ചോദ്യവുമായി പ്രതിപക്ഷം രംഗത്തെത്തിയിട്ടുണ്ട്.  ത്. ഹെലികോപ്റ്റർ കരാറുമായി ബന്ധപ്പെട്ട വാഗ്ദാനങ്ങളുടെ ഭാഗമാണോ ഈ സാമ്പത്തിക ഇടപാടെന്ന ചോദ്യവുമായി പ്രതിപക്ഷം രംഗത്തെത്തിയിട്ടുണ്ട്.