.jpg)
വിബിജി റാം ജി പദ്ധതി ഇന്നുമുതല് പ്രാബല്യത്തില്; തൊഴില് ദിനങ്ങള് 125 ആയി ഉയരും
Jul 1, 2026, 08:22 IST
ദേശീയ ഗ്രാമീണ തൊഴിലുറപ്പ് പദ്ധതിയില് പ്രവൃത്തി ദിനങ്ങള് നൂറായിരുന്നെങ്കില് പുതിയ പദ്ധതിയില് അത് 125 ആകും എന്നതാണ് ഏറ്റവും വലിയ പ്രത്യേകത.
രണ്ട് പതിറ്റാണ്ടിലേറെ ഗ്രാമീണ മേഖലകള്ക്ക് ആശ്വാസമായിരുന്ന മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിക്ക് പകരം കേന്ദ്രസര്ക്കാര് നടപ്പിലാക്കുന്ന വിബിജി റാം ജി പദ്ധതി ഇന്നുമുതല് പ്രാബല്യത്തില് വരും. ദേശീയ ഗ്രാമീണ തൊഴിലുറപ്പ് പദ്ധതിയില് പ്രവൃത്തി ദിനങ്ങള് നൂറായിരുന്നെങ്കില് പുതിയ പദ്ധതിയില് അത് 125 ആകും എന്നതാണ് ഏറ്റവും വലിയ പ്രത്യേകത. ഒപ്പം ജലസുരക്ഷ, ഗ്രാമീണ അടിസ്ഥാന സൗകര്യം, ജീവനോപാധി അടിസ്ഥാന സൗകര്യം, ദുരന്ത നിവാരണം എന്നീ നാല് വിഭാഗങ്ങളിലാണ് ഇനി മുതല് പ്രവൃത്തികള് വരിക.
അതേസമയം തൊഴിലുറപ്പ് പദ്ധതി പ്രകാരം കേന്ദ്രസര്ക്കാര് നൂറ് ശതമാനം കൂലി ചെലവ് വഹിച്ചിരുന്നിടത്ത് ഇനി മുതല് 60 ശതമാനം മാത്രമേ വഹിക്കൂയെന്ന് കേന്ദ്രം വ്യക്തമാക്കുമ്പോള് സംസ്ഥാനങ്ങള്ക്കിത് വലിയ സാമ്പത്തിക ഞെരുക്കം ഉണ്ടാക്കുമോ എന്ന ആശങ്കയും നിലനില്ക്കുന്നുണ്ട്.
