.jpg)
വാല്പ്പാറ അപകടം; മരിച്ചവരുടെ കുടുംബങ്ങള്ക്ക് ധനസഹായം പ്രഖ്യാപിച്ച് സര്ക്കാര്
മരണമടഞ്ഞ ഇന്ഷുറന്സ് പരിരക്ഷയില്ലാത്ത അഞ്ച് പേരുടെ കുടുംബാംഗങ്ങള്ക്ക് 10 ലക്ഷം രൂപ നല്കും. മരണപ്പെട്ട മറ്റ് അധ്യാപര്ക്ക് ഇന്ഷുറന്സ് പരിരക്ഷയുണ്ട്.
തിരുവനന്തപുരം: വാല്പ്പാറ അപകടത്തില് മരിച്ചവരുടെ കുടുംബങ്ങള്ക്ക് ധനസഹായം നല്കാന് മന്ത്രിസഭാ യോഗത്തില് തീരുമാനം. മരണമടഞ്ഞ ഇന്ഷുറന്സ് പരിരക്ഷയില്ലാത്ത അഞ്ച് പേരുടെ കുടുംബാംഗങ്ങള്ക്ക് 10 ലക്ഷം രൂപ നല്കും. മരണപ്പെട്ട മറ്റ് അധ്യാപര്ക്ക് ഇന്ഷുറന്സ് പരിരക്ഷയുണ്ട്.
മരണപ്പെട്ട സ്കൂള് ബസ് ഡ്രൈവര് നൗഷാദ് അലി, പാചകത്തൊഴിലാളി സാജിദ, റുഖിയ, ഷക്കീല, വിദ്യാര്ത്ഥിയായ മുഹമ്മദ് ഹിഷാം എന്നിവരുടെ ബന്ധുകള്ക്കാണ് മുഖ്യമന്ത്രിയുടെ ദുരിതാശ്വാസ നിധിയില് നിന്ന് 10 ലക്ഷം രൂപ അനുവദിക്കുക.
അപകടത്തില് മരണപ്പെട്ട അധ്യാപികയുടെ മകന് മുഹമ്മദ് ഷഹാദിന്, മറ്റൊരു അധ്യാപികയുടെ മകള് മസ്നീന്, വാഹനത്തിന്റെ ഡ്രൈവര് മുഹമ്മദ് ഫാഹിസ് എന്നിവരുടെ ചികിത്സാ ചിലവ് സര്ക്കാര് വഹിക്കും. ഇന്ഷുറന്സ് പരിരക്ഷ ഉള്ളവര്ക്ക്, ഇന്ഷുറന്സ് പരിരക്ഷയ്ക്ക് പുറമെ, ചികിത്സയ്ക്ക് തുക ചെലവായിട്ടുണ്ടെങ്കില് പ്രസ്തുത തുകയും മുഖ്യമന്ത്രിയുടെ ദുരിതാശ്വാസ നിധിയില് നിന്ന് അനുവദിക്കാനും മന്ത്രിസഭാ യോഗം തീരുമാനിച്ചു.
