.jpg)
വീണ ജോർജിനെതിരെ മത്സരിക്കുന്ന യുഡിഎഫ് സ്ഥാനാർഥി അബിന് വര്ക്കിക്ക് കെട്ടിവയ്ക്കാനുള്ള തുക കൈമാറി വയറിൽ കത്രിക കുടുങ്ങിയ ഉഷ
അലപ്പുഴ: ആറന്മുളയില് ആരോഗ്യമന്ത്രി വീണാ ജോര്ജിനെതിരെ മത്സരിക്കുന്ന യുഡിഎഫ് സ്ഥാനാര്ഥി അബിന് വര്ക്കിക്ക് തെരഞ്ഞെടുപ്പിന് കെട്ടിവയ്ക്കാനുള്ള പണം കൈമാറി ആലപ്പുഴ മെഡിക്കല് കോളജ് ആശുപത്രിയിലെ ചികിത്സാ പിഴവിന് ഇരയായ ഉഷ ജോസഫ്. ഞായറാഴ്ച വൈകീട്ടാണ് ഉഷ, ഭര്ത്താവ് ജോസഫ്, മകന് ഷിബിന് എന്നിവരില് നിന്നും അബിന് തുക ഏറ്റുവാങ്ങിയത്.
അധികൃതരുടെ അനാസ്ഥ മൂലം വയറ്റില് കുടുങ്ങിയ കത്രികയുമായി 5 വര്ഷമാണ് ഉഷ ജീവിച്ചത്. സര്ക്കാരിന്റെ അനാസ്ഥകാരണമാണ് തനിക്ക് 5 വര്ഷം വേദന സഹിച്ചു ജീവിക്കേണ്ടി വന്നതെന്നാണ് ഉഷയുടെ കുടുംബത്തിന്റെയും ആരോപണം. തങ്ങള്ക്ക് യാതൊരു സഹായവും ചെയ്തുതരാത്ത മന്ത്രി വീണാ ജോര്ജിനെതിരെ മത്സരിക്കുന്നതുകൊണ്ടാണ് അബിന് വര്ക്കിക്ക് പണം നല്കിയതെന്ന് ഉഷ പറഞ്ഞു.
വയറില് കുടുങ്ങിയ കത്രിക ശസ്ത്രക്രിയയിലൂടെ പുറത്തെടുത്ത ശേഷം വീട്ടില് വിശ്രമിക്കുന്നതിനിടെയാണ് കോണ്ഗ്രസ് സ്ഥാനാര്ഥിയും സംഘവും ഉഷയെ കാണാനെത്തിയത്. ആരോഗ്യ വകുപ്പിന്റെ സിസ്റ്റം തകരാറിന്റെ ഇരയാണ് ഉഷയെന്ന് കൂടിക്കാഴ്ചയ്ക്ക് ശേഷം അബിന് വര്ക്കി പറഞ്ഞു.