യൂണിവേഴ്സിറ്റി അസിസ്റ്റന്റ് മുതൽ സബ് ഇൻസ്പെക്ടർ വരെ; 97 കാറ്റഗറികളിൽ പിഎസ്‌സി വിജ്ഞാപനം

സർവകലാശാലാ അസിസ്റ്റന്റ്, സബ് ഇൻസ്പെക്ടർ, ഹയർ സെക്കൻഡറി സ്കൂൾ ടീച്ചർമാർ തുടങ്ങിയ പ്രധാന തസ്തികകളിലേക്ക് അപേക്ഷ ക്ഷണിച്ചിട്ടുണ്ട്. അപേക്ഷകൾ സമർപ്പിക്കേണ്ട അവസാന തീയതി ഡിസംബർ 31 ആണ്.

തിരുവനന്തപുരം: സർവകലാശാലാ അസിസ്റ്റന്റ്, സബ് ഇൻസ്പെക്ടർ, ജയിലർ തുടങ്ങി 97 കാറ്റഗറികളിൽ നിയമനത്തിന്‌ വിജ്ഞാപനം പ്രസിദ്ധീകരിച്ച് കേരള പിഎസ്‌സി. www.keralapsc.gov.in. വഴിയാണ് അപേക്ഷിക്കേണ്ടത്. കാറ്റഗറി നമ്പർ 439/2025 മുതൽ 535/2025 വരെയുള്ള തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. സർവകലാശാല അസിസ്റ്റന്റ്, ഹയർ സെക്കൻഡറി സ്കൂൾ ടീച്ചർമാർ, സായുധ പൊലീസ് സബ് ഇൻസ്‌പെക്ടർ (ട്രെയിനി), സർക്കാർ കോളേജുകളിലെ അസിസ്റ്റന്റ്‌ പ്രൊഫസർമാർ, ഫയർ ആൻഡ് റെസ്ക്യൂ ഓഫീസർ (ട്രെയിനി) തുടങ്ങി നിരവധി ഒഴിവുകൾ റിപ്പോർട്ട് ചെയ്തിട്ടുണ്ട്. ​അപേക്ഷ സ്വീകരിക്കുന്ന അവസാന തീയതി ഡിസംബർ 31.