.jpg)
പാലക്കാട്ടുകാർക്ക് ഹാപ്പി ജേർണി ..! പാലക്കാട് - പൊള്ളാച്ചി റൂട്ടില് പുതിയ ട്രെയിന്,അനുമതി നൽകി കേന്ദ്ര മന്ത്രി
കൊച്ചി: പാലക്കാട് - പൊള്ളാച്ചി റൂട്ടില് പുതിയ ട്രെയിനിന് അനുമതി നൽകി കേന്ദ്ര മന്ത്രി. കേരളം - തമിഴ്നാട് സംസ്ഥാനങ്ങളുടെ അതിര്ത്തി മേഖലകളെ ബന്ധിപ്പിക്കുന്ന റൂട്ടില് പുതിയ ട്രെയിന് സര്വീസ് വേണമെന്ന ദീര്ഘനാളത്തെ ആവശ്യമാണ് സഫലമാകുന്നത്. പുതിയ ട്രെയിന് അനുവദിക്കുമെന്ന് റെയില്വേ മന്ത്രി അശ്വിനി വൈഷ്ണവ് രേഖാ മൂലം ഉറപ്പ് നല്കിയതായി കേന്ദ്ര മന്ത്രി സുരേഷ് ഗോപി അറിയിച്ചു.പാലക്കാട് പൊള്ളാച്ചി റൂട്ടില് പുതിയ മെമു ട്രെയിന് അനുവദിക്കുമെന്നാണ് റെയില്വെ മന്ത്രി കേന്ദ്ര മന്ത്രി സുരേഷ് ഗോപിക്ക് നല്കിയ കത്തില് അറിയിച്ചിരിക്കുന്നത്.
tRootC1469263">പാലക്കാട് പൊള്ളാച്ചി, പാലക്കാട് പൊള്ളാച്ചി കോയമ്പത്തൂര് റൂട്ടില് പാസഞ്ചര്, മെമു സര്വീസുകള് ഉള്പ്പെടെ കുറവാണെന്ന പരാതികള് ശക്തമാണെന്നിരിക്കെയാണ് പുതിയ ട്രെയിന് സംബന്ധിച്ച പ്രഖ്യാപനം. നവീകരണത്തിനു മുന്പു 10 സര്വീസുകള് പാലക്കാട് പൊള്ളാച്ചി പാതയില് ഉണ്ടായിരുന്നു. നിലവില് തിരുവനന്തപുരം രാമേശ്വരം അമൃത എക്സ്പ്രസ്, പാലക്കാട് ചെന്നൈ സൂപ്പര് ഫാസ്റ്റ്, പാലക്കാട് തിരുച്ചെന്തൂര് എക്സ്പ്രസ് എന്നിവ മാത്രമാണ് സര്വീസ് നടത്തുന്നത്. ട്രെയിനുകള് തമ്മില് പത്ത് മണിക്കൂറിലധികമാണ് ഇപ്പോഴത്തെ സമയ വ്യത്യാസം.
