.jpg)
നെയ്യാർ ഡാമില് കുളിക്കാനിറങ്ങിയ രണ്ട് യുവാക്കള് മുങ്ങി മരിച്ചു
Jul 25, 2025, 15:38 IST
രാത്രിയില് കുളിക്കാനിറങ്ങിയ ഇരുവരും അപകടത്തില്പ്പെട്ടുവെന്നാണ് നിഗമനം.
തിരുവനന്തപുരം: നെയ്യാർ ഡാമില് കുളിക്കാനിറങ്ങിയ രണ്ട് യുവാക്കള് മുങ്ങി മരിച്ചു. അമ്ബൂരി ആനക്കുളം ഭാഗത്തെ അപകടത്തില് അമ്ബൂരി സ്വദേശി അർജുൻ, കാട്ടാക്കട സ്വദേശി ദുർഗ്ഗാദാസ് എന്നിവരാണ് മരിച്ചത്.രാത്രിയില് കുളിക്കാനിറങ്ങിയ ഇരുവരും അപകടത്തില്പ്പെട്ടുവെന്നാണ് നിഗമനം. ഇരുവരെയും കാണാതായ വിവരം പുലർച്ചെയാണ് പൊലീസിന് ലഭിച്ചത്.
പിന്നാലെ അഗ്നിശമന സേനയും, പൊലീസും, നാട്ടുകാരും നടത്തിയ തെരച്ചിലിലാണ് മൃതദേഹം കണ്ടെടുത്തത്. പോസ്റ്റ് മോർട്ടത്തിനായി മൃതദേഹം ആശുപത്രിയിലേക്ക് മാറ്റി.