മകളെ അക്രമിക്കുന്നത് തടയാൻ ശ്രമിച്ചു; മരുമകന്റെ കുത്തേറ്റ് ഭാര്യാമാതാവ് മരിച്ചു

ആലപ്പുഴ : ആലപ്പുഴ നൂറനാടില്‍ മരുമകന്റെ കുത്തേറ്റ് ഭാര്യാമാതാവ് കൊല്ലപ്പെട്ടു.,നൂറനാട് ഇടക്കുന്നം നെല്ലുവിളയില്‍ ജയകുമാരി (45) ആണ് മരിച്ചത്. ജയകുമാരിയുടെ മകള്‍ അർച്ചനയുടെ ഭർത്താവായ ആലപ്പുഴ പഴവീട് സ്വദേശി ജോജി ജോസഫ് (30) ആണ് കൃത്യം നടത്തിയതെന്ന് പൊലീസ് അറിയിച്ചു.ജയകുമാരിയുടെ ഭർത്താവ് ജയകുമാർ ജോലിക്കായി പുറത്തുപോയ സമയത്തായിരുന്നു ആക്രമണം

ഇന്ന് പുലർച്ചെ അഞ്ചു മണിയോടെയാണ് സംഭവം നടന്നത്.പ്രണയവിവാഹിതരായ ജോജിയും അർച്ചനയും കുറച്ചുകാലമായി പിണങ്ങിമാറി കഴിയുകയാണ്. സംഭവദിവസം അർച്ചനയെ ജോജി ആക്രമിക്കാൻ ശ്രമിക്കുകയായിരുന്നു.ഇത് തടയാൻ ശ്രമിക്കുന്നതിനിടയിലാണ് ജയകുമാരിക്കു കുത്തേല്‍ക്കുകയെന്നാണ് പ്രാഥമിക വിവരം.