.jpg)
കല്ലമ്പലം നാവായിക്കുളത്ത് ടൂറിസ്റ്റ് ബസ് മറിഞ്ഞു; 17വിദ്യാര്ത്ഥികള്ക്ക് പരിക്ക്, രണ്ടുപേരുടെ നില ഗുരുതരം
Jan 17, 2026, 06:56 IST
വിദ്യാര്ത്ഥിയായ ക്രിസ്റ്റോ പോള്, അസിസ്റ്റന്റ് പ്രൊഫസര് ആയ നോയല് വില്സണ് എന്നിവര്ക്കാണ് ഗുരുതരമായി പരിക്കേറ്റത്
കല്ലമ്പലം നാവായിക്കുളം യെദുക്കാട് ടൂറിസ്റ്റ് ബസ് മറിഞ്ഞു 17വിദ്യാര്ത്ഥികള്ക്ക് പരിക്ക്. ഇതില് രണ്ടാളുടെ പരിക്ക് ഗുരുതരമാണ്.
വിദ്യാര്ത്ഥിയായ ക്രിസ്റ്റോ പോള്, അസിസ്റ്റന്റ് പ്രൊഫസര് ആയ നോയല് വില്സണ് എന്നിവര്ക്കാണ് ഗുരുതരമായി പരിക്കേറ്റത്. ഇവരെ വിദഗ്ദ ചികില്സയ്ക്കായി പാരിപ്പള്ളി മെഡിക്കല് കോളേജില് നിന്നും കൊല്ലത്തെ സ്വകാര്യ ആശുപത്രിയിലേക്ക് മാറ്റി. തൃശ്ശൂര് കൊടകര എംബിഎ കോളേജില് നിന്നും പഠനയാത്രയ്ക്കായി എത്തിയ വിദ്യാര്ത്ഥികള് സഞ്ചരിച്ച ബസ് ആണ് അപകടത്തില്പ്പെട്ടത്.
tRootC1469263">42 ഓളം വിദ്യാര്ത്ഥികളും മൂന്ന് അധ്യാപകരും ബസ്സിലെ രണ്ട് ജീവനക്കാരുമാണ് അപകടത്തില്പ്പെട്ടത്. ദേശീയപാതയില് ബൈപ്പാസിന്റെ പണി നടക്കുന്നതിനാല് സര്വീസ് റോഡ് വഴി വന്ന ബസിന്റെ ചക്രങ്ങള് മണ്ണില് പുതഞ്ഞു ബസ് ചരിഞ്ഞാണ് അപകടമുണ്ടായത്.