.jpg)
തൃശൂരിൽ ടിപ്പറും സ്കൂട്ടറും കൂട്ടിയിടിച്ച് അമ്മയും കുഞ്ഞും മരിച്ചു
Dec 23, 2025, 11:10 IST
തൃശൂര്: ലക്കിടിയില് ടിപ്പറും സ്കൂട്ടറും കൂട്ടിയിടിച്ച് അമ്മയും കുഞ്ഞും മരിച്ചു. തിരുവില്വാമല കണിയാര്ക്കോട് സ്വദേശി ശരണ്യ, ഇവരുടെ മകള് അഞ്ച് വയസുകാരി ആദിശ്രീ എന്നിവരാണ് മരിച്ചത്. സ്കൂട്ടര് ഓടിച്ചിരുന്ന ബന്ധു മോഹന്ദാസിന് ഗുരുതരമായി പരുക്കേറ്റു. ലക്കിടി ഭാഗത്തേക്ക് ഒരേ ദിശയില് പോകുകയായിരുന്ന സ്കൂട്ടറില് ടിപ്പര് ഇടിക്കുകയായിരുന്നുവെന്നാണ് ദൃക്സാക്ഷികള് പറയുന്നത്.
ഇവരുടെ ദേഹത്തു കൂടെ ടിപ്പര് ലോറി കയറിയിറങ്ങിയതായും ദൃക്സാക്ഷികള് പറഞ്ഞു. തിരുവില്വാമലയിലെ വീട്ടില്നിന്ന് ഭര്ത്താവിന്റെ വീടായ ലക്കിടി കൂട്ടുപാതയിലേക്ക് പോകുകയായിരുന്നു ശരണ്യയും കുഞ്ഞു. അപകടത്തില് ഗുരുതരമായി പരുക്കേറ്റ ഇവരെ ഉടന് തന്നെ ഒറ്റപ്പാലം താലൂക്ക് ആശുപത്രിയില് എത്തിച്ചെങ്കിലും രക്ഷിക്കാനായില്ല.
