തൃപ്പൂണിത്തുറ ബിവറേജ് ഷോപ്പിൽ ഷട്ടർ കുത്തിപ്പൊളിച്ച് മോഷണം ; കവർന്നത് 5570 രൂപ വിലവരുന്ന രണ്ട് കുപ്പി മദ്യം

തൃപ്പൂണിത്തുറ: തൃപ്പൂണിത്തുറ ബിവറേജ് ഷോപ്പിൽ ഷട്ടർ കുത്തിപ്പൊളിച്ച് മോഷണം. തെക്കുഭാഗം ചൂരക്കാട് ബീവറേജ് ഷോപ്പിലാണ് മോഷണം നടന്നത്. 5570 രൂപ വിലവരുന്ന മദ്യമാണ് ഷോപ്പിൽ നിന്നും നഷ്ടപ്പെട്ടതെന്ന് അധികൃതർ വ്യക്തമാക്കി. ഇന്ന് പുലർച്ചെ 12.45നും 1.05നും ഇടയ്ക്കാണ് മോഷണം നടന്നത്. കെട്ടിടത്തിന്റെ ഒന്നാം നിലയിൽ പ്രവർത്തിക്കുന്ന ബിവറേജ് ഷോപ്പിന്റെ ഷട്ടർ കുത്തിപ്പൊളിച്ചാണ് മോഷ്ടാവ് അകത്ത് കടന്നത്.