.jpg)
തിരുവനന്തപുരം ചാന്നാങ്കരയില് വാഹനാപകടം: സ്കൂട്ടര് യാത്രികയ്ക്ക് ദാരുണാന്ത്യം
Sep 27, 2026, 12:58 IST
ഇടിയുടെ ആഘാതത്തില് റോഡിലേക്ക് തെറിച്ചുവീണ രാജിമോളുടെ ശരീരത്തിലൂടെ ബസിന്റെ പിന്ചക്രം കയറിയിറങ്ങുകയായിരുന്നു.
കെഎസ്ആര്ടിസി ബസ് കയറിയിറങ്ങി സ്കൂട്ടര് യാത്രിക മരിച്ചു. ചാന്നാങ്കര സ്വദേശി രാജിമോള് (38) ആണ് മരിച്ചത്.കെഎസ്ആര്ടിസി ബസിനെ ഓവര്ടേക്ക് ചെയ്യുന്നതിനിടെ എതിരെ വന്ന മിനി ലോറിയിലും ബസിലും സ്കൂട്ടര് തട്ടുകയായിരുന്നു. ഇടിയുടെ ആഘാതത്തില് റോഡിലേക്ക് തെറിച്ചുവീണ രാജിമോളുടെ ശരീരത്തിലൂടെ ബസിന്റെ പിന്ചക്രം കയറിയിറങ്ങുകയായിരുന്നു.
ഗുരുതരമായി പരിക്കേറ്റ യുവതി സംഭവസ്ഥലത്തുവെച്ചുതന്നെ മരിച്ചു. മൃതദേഹം ചിറയിന്കീഴ് താലൂക്ക് ആശുപത്രി മോര്ച്ചറിയിലേക്ക് മാറ്റി.അമ്പലത്തില് ദര്ശനം നടത്തി മടങ്ങുന്നതിനിടെയാണ് അപകടമുണ്ടായത്.