തിരുവനന്തപുരം നാലാഞ്ചിറയിൽ വിദ്യാർഥിനികളെ ഇടിച്ചു തെറിപ്പിച്ച് ബൈക്ക് യാത്രികൻ

Whatsapp Group

ഇന്ന് രാവിലെയോട് ആണ് അപകടമുണ്ടായത്. കുട്ടികൾ ട്യൂഷൻ കഴിഞ്ഞ് നടന്ന് പോകവേ തിരുവനന്തപുരം ഭാഗത്തേക്ക് പോകുകയായിരുന്ന ബൈക്ക് നിയന്ത്രണം വിട്ട് നടപ്പാതയിലേക്ക് കയറുകയായിരുന്നു. ബൈക്ക് നിമിഷനേരം കൊണ്ട് കുട്ടികളെ ഇടിച്ചുതെറിപ്പിക്കുകയും ചെയ്തു. സംഭവത്തിൻറെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.

അപകടത്തിൽപ്പെട്ട കുട്ടികളിൽ ഒരാൾ ബൈക്ക് ഇടിച്ച സ്ഥലത്തും കൂടെയുണ്ടായിരുന്ന കുട്ടി അഞ്ചുമീറ്ററോളം അകലെയ്ക്കും തെറിച്ച് വീഴുകയുമായിരുന്നു. ബൈക്കും ഓടിച്ചിരുന്നയാളും അവിടെത്തന്നെ വീണു. നാട്ടുകാരാണ് മൂന്നുപേരെയും ആശുപത്രിയിൽ എത്തിച്ചത്. നിലവിൽ മൂന്നുപേരും പട്ടത്തുള്ള സ്വകാര്യ ആശുപത്രിയിൽ ചികിത്സയിലാണ്.