തിരുവനന്തപുരത്ത് ലോറി ബൈക്കിന് പിന്നിലിടിച്ച് അപകടം ; രണ്ട് മരണം

Whatsapp Group

അപകടം നടന്നത് ഇങ്ങനെ

ഇന്ന് ഉച്ചയ്ക്ക് 12 മണിയോടെ പള്ളിച്ചൽ ട്രാഫിക് സിഗ്നലിന് 100 മീറ്റർ അകലെയായിരുന്നു അപകടം. തിരുവനന്തപുരം ഭാഗത്തുനിന്നും വരികയായിരുന്ന ബൈക്കിന് പിന്നിലേക്ക് നിയന്ത്രണം വിട്ട ലോറി ഇടിച്ചുകയറുകയായിരുന്നു. ലോറിയുടെ മുൻവശത്തെ വലത്തെ ടയറിനടിയിൽ കുടുങ്ങിയ ബൈക്കിനെയും യാത്രികരെയും വലിച്ച് സിഗ്നലും കടന്നാണ് ലോറി നിന്നത്. ഇരുവരും സംഭവസ്ഥലത്തുതന്നെ മരണപ്പെട്ടു.

അപകടം നടന്നയുടൻ സമീപത്തുണ്ടായിരുന്ന ഓട്ടോറിക്ഷാ ഡ്രൈവർമാരും നാട്ടുകാരും ചേർന്ന് രക്ഷാപ്രവർത്തനം ആരംഭിച്ചു. ലോറിക്കടിയിൽ കുടുങ്ങിക്കിടന്ന ഇരുവരെയും അരമണിക്കൂറോളം നീണ്ട പരിശ്രമത്തിനൊടുവിലാണ് പുറത്തെടുത്ത് ആശുപത്രിയിലെത്തിച്ചത്. നേമം തൃക്കണ്ണാപുരത്ത് എംസാൻഡ് ഇറക്കിയ ശേഷം നെയ്യാറ്റിൻകര ഭാഗത്തേക്ക് അമിതവേഗതയിൽ പോവുകയായിരുന്നു ലോറി. മൃതദേഹങ്ങൾ ഇൻക്വസ്റ്റ് നടപടികൾക്കായി തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. നേമം പോലീസ് കേസെടുത്ത് അന്വേഷണം ആരംഭിച്ചു.