.jpg)
ആളില്ലാത്ത വീട് കുത്തിത്തുറന്ന് 15 പവന് മോഷ്ടിച്ച കള്ളന് 10 പവന് മറന്നുവച്ചു
പിന്വാതില് വഴി രക്ഷപ്പെടുന്നതിനിടെ അടുക്കളയിലാണ് കള്ളന് സ്വണ്ണം മറന്നുവെച്ചത്. മാറനല്ലൂരിലാണ് സംഭവം.
ആളില്ലാത്ത വീട് കുത്തിത്തുറന്ന് 15 പവന് മോഷ്ടിച്ച കള്ളന് 10 പവന് അവിടെവെച്ച് മറന്നു. പിന്വാതില് വഴി രക്ഷപ്പെടുന്നതിനിടെ അടുക്കളയിലാണ് കള്ളന് സ്വണ്ണം മറന്നുവെച്ചത്. മാറനല്ലൂരിലാണ് സംഭവം.
ഊരൂട്ടമ്പലം ഗോവിന്ദമംഗലം കട്ടറക്കുഴി നന്ദാവനത്തില് വര്ക്ഷോപ്പ് ജീവനക്കാരന് പ്രതാപചന്ദ്രന്നായരുടെ വീട്ടിലാണ് മോഷണം നടന്നത്. മക്കള് പഠിക്കുന്ന സ്കൂളിലെ വാര്ഷിക ആഘോഷത്തില് പങ്കെടുക്കാന് പോയപ്പോഴാണ് മോഷണം നടന്നത്. തിരികെ രാത്രി 9 മണിയോടെ വീട്ടില് തിരിച്ചെത്തിയപ്പോള് പിന്വാതില് തുറന്നു കിടക്കുന്നത് കണ്ടു. മോഷണം നടന്നതായി സംശയം തോന്നി നടത്തിയ പരിശോധനയിലാണ് കിടപ്പുമുറിയിലെ അലമാരയില് സൂക്ഷിച്ചിരുന്ന 15 പവന് സ്വര്ണവും ഒരുലക്ഷം രൂപയും നഷ്ടപ്പെട്ടതായി മനസിലായത്.
tRootC1469263">സ്ഥിരമായി ഉപയോഗിക്കുന്ന ആഭരണങ്ങള് അലമാരയില് ഒരിടത്തും പത്തുപവന് തുണിയില് കെട്ടി മറ്റൊരിടത്തുമാണ് സൂക്ഷിച്ചിരുന്നത്. മോഷ്ടാവ് ആഭരണം മുഴുവന് എടുത്തെങ്കിലും തുണിയില് കെട്ടിയ പത്തുപവന് അടുക്കളയിലെ സ്ലാബില് വെച്ചിരിക്കുകയായിരുന്നു. മോഷ്ടാവ് വീടിന്റെ പിന്വശത്തുകൂടി കടക്കാന് ശ്രമിച്ചപ്പോള് വെച്ച് മറന്നതാകാം എന്നാണ് കരുതുന്നത്.
വീട്ടുകാര് മാറനല്ലൂര് പൊലീസില് പരാതി നല്കിയതിനെ തുടര്ന്ന് പൊലീസ് നായയും വിരലടയാള വിദഗ്ധരും വീട്ടിലെത്തി പരിശോധന നടത്തി