.jpg)
ബിജെപി ഭരണത്തില് ക്രൈസ്തവര്ക്ക് നേരെ നിരവധി ആക്രമണങ്ങള് ഉണ്ടായി; പ്രധാനമന്ത്രിയുടെ മൗനം പുതിയതല്ല'; വിമര്ശനവുമായി ദീപിക
വിഷയത്തില് പ്രധാനമന്ത്രിയുടെ മൗനം പുതിയതല്ലെന്നും മുഖപ്രസംഗത്തില് വിമര്ശനം.
ക്രിസ്മസിന് ക്രൈസ്തവര്ക്കെതിരെ ഉണ്ടായ ആക്രമണങ്ങളില് വിമര്ശനവുമായി സീറോ മലബാര് സഭയുടെ ഉടമസ്ഥതയിലുള്ള 'ദീപിക'. വര്ഗീയവാദികള് അഴിച്ചുവിട്ട ആക്രമണങ്ങള് മതസ്വാതന്ത്ര്യത്തിനും ന്യൂനപക്ഷാവകാശങ്ങള്ക്കും എതിരെയാണ്. വിഷയത്തില് പ്രധാനമന്ത്രിയുടെ മൗനം പുതിയതല്ലെന്നും മുഖപ്രസംഗത്തില് വിമര്ശനം.
തടയപ്പെടേണ്ടതിനെയെല്ലാം ഭരണകൂടം പിന്വാതില് പ്രവേശനം നല്കുന്നുവെന്നും വിമര്ശനം. മത വര്ഗീയവാദികള് അഴിച്ചുവിട്ട ആക്രമണങ്ങള് മതസ്വാതന്ത്ര്യത്തിനും ന്യൂനപക്ഷാവകാശങ്ങള്ക്കും എതിരെയാണ്. ഗോള്വാള്ക്കര് മുതല് മോഹന് ഭാഗവത് വരെ ഹിന്ദു രാഷ്ട്രത്തിനു വേണ്ടി പ്രസംഗിച്ചു. എന്നിട്ടും അത് ലക്ഷ്യം കാണാതെ പോയത് ഭരണഘടന കോട്ട പോലെ കവചം ഒരുക്കിയത് കൊണ്ടാണെന്ന് ദീപികയില് പറയുന്നു. എന്നാല് ആ കോട്ടയുടെ കാവല്ക്കാര് ആകേണ്ടിയിരുന്ന ഭരണകൂടത്തിന്റെ നിശബ്ദതയാണ് ഇപ്പോള് നടക്കുന്നതെന്ന് വിമര്ശനം.
പുറത്ത് ക്രിസ്തുമസ് അലങ്കോലമാക്കുമ്പോള് പ്രധാനമന്ത്രി പള്ളിക്കുള്ളില് പ്രാര്ത്ഥനയില് പങ്കെടുക്കുന്നു. ഇതെല്ലാം രാജ്യത്തെ പൗരന്മാരെ കാണിക്കാന് അല്ല. മറ്റു രാജ്യങ്ങളെ കാണിക്കാന് ആണ്. അല്ലെങ്കില് ആക്രമണങ്ങളെ അപലപിക്കുകയോ നടപടി സ്വീകരിക്കുകയോ ചെയ്യുമായിരുന്നു. സംഘപരിവാര് ആഘോഷങ്ങളെക്കാള് ന്യൂനപക്ഷങ്ങളെ ഭയപ്പെടുത്തുന്നത് ഈ നിശബ്ദതയാണെന്ന് ദീപികയുടെ മുഖപ്രസം?ഗത്തില് വിമര്ശിച്ചു.