.jpg)
രാഹുലിനെതിരെ പരാതി നല്കിയ യുവതിയുടെ ശബ്ദ പരിശോധന നടത്തും
രാഹുല് താമസിച്ചിരുന്ന കുന്നത്തൂര്മേടിലുള്ള ഫ്ലാറ്റിലെത്തി തെളിവെടുത്തു.
രാഹുല് മാങ്കൂട്ടത്തില് എംഎല്എക്കെതിരായ പീഡന പരാതി അന്വേഷിക്കുന്ന പൊലീസ് സംഘം പാലക്കാടെത്തി. തിരുവനന്തപുരത്തുള്ള പൊലീസ് സംഘമാണ് പാലക്കാട്ടെത്തിയത്. രാഹുല് താമസിച്ചിരുന്ന കുന്നത്തൂര്മേടിലുള്ള ഫ്ലാറ്റിലെത്തി തെളിവെടുത്തു. രാഹുലിന്റെ ഔദ്യോഗിക വാഹനം പാലക്കാട്ടെ ഫ്ലാറ്റില് തന്നെയെന്ന് പൊലീസ് അറയിച്ചു. ഫ്ലാറ്റില് വീണ്ടും പരിശോധന നടത്തും.
tRootC1469263">രാഹുലിനെതിരെ പരാതി നല്കിയ യുവതിയുടെ ശബ്ദ പരിശോധന നടത്തും. പുറത്തുവന്ന സംഭാഷണം പരാതിക്കാരിയുടെതാണോ എന്ന് ഉറപ്പിക്കാന് യുവതിയുടെ ശബ്ദ സാമ്പിള് പരിശോധിക്കും. തിരുവല്ലം ചിത്രാഞ്ജലിയിലാണ് പരിശോധന നടത്തുക. അതിനിടെ യുവതിക്ക് പൊലീസ് സംരക്ഷണമൊരുക്കി.
ഒളിവിലുള്ള രാഹുല് മാങ്കൂട്ടത്തിലിനെ അറസ്റ്റ് ചെയ്യാന് പൊലീസ് നീക്കം ആരംഭിച്ചു. മുന്കൂര് ജാമ്യപേക്ഷ സമര്പ്പിച്ചത് അറസ്റ്റിന് തടസമല്ലെന്നാണ് പൊലീസ് വാദം. അതേസമയം രാഹുല് മാങ്കൂട്ടത്തില് തലസ്ഥാനത്തെത്തി വക്കാലത്തില് ഒപ്പിട്ടുവെന്ന റിപ്പോര്ട്ട് പൊലീസ് തള്ളി. എല്ലാ ജില്ലകളിലും അന്വേഷണം നടത്താന് ക്രമസമാധാന ചുമതലയുള്ള എഡിജിപി നിര്ദ്ദേശം നല്കി.
