.jpg)
നിപ്പ സ്ഥിരീകരിച്ച രോഗിയെ കോഴിക്കോട് മെഡിക്കല് കോളേജ് ആശുപത്രി ഐസൊലേഷന് വാര്ഡിലേക്ക് മാറ്റി
കര്ശന നിയന്ത്രണം ഏര്പ്പെടുത്തിയതായി മെഡിക്കല് കോളേജ് ആശുപത്രി സൂപ്രണ്ട് അറിയിച്ചു.
നിപ്പ വൈറസ് ബാധ സ്ഥിരീകരിച്ച ഫറോക്ക് സ്വദേശിയെ കോഴിക്കോട് മെഡിക്കല് കോളേജ് ആശുപത്രിയില് ഐസൊലേഷന് വാര്ഡിലേക്ക് മാറ്റി. അര്ദ്ധരാത്രി 12 മണിയോടെയാണ് രോഗിയെ ഐസൊലേഷന് വാര്ഡിലേക്ക് മാറ്റിയത്. വാര്ഡിന് സമീപത്തേക്ക് കര്ശന നിയന്ത്രണം ഏര്പ്പെടുത്തിയതായി മെഡിക്കല് കോളേജ് ആശുപത്രി സൂപ്രണ്ട് അറിയിച്ചു.
പ്രത്യേക വാര്ഡ് പരിസരത്ത് ബാരിക്കേഡുകള് സ്ഥാപിച്ചു. പരിസരത്തെ പാര്ക്കിങ്ങും പൂര്ണ്ണമായി നിരോധിച്ചു. ഡിസ്ചാര്ജ്ജ് ചെയ്യുന്ന രോഗികള് ഉള്പ്പെടെ ആശുപത്രിയുടെ പ്രധാന ഗെയിറ്റ് ഉപയോഗിക്കണമെന്ന് സൂപ്രണ്ട് അറിയിച്ചു.
നിപ്പ ലക്ഷണങ്ങളോടെ ചികിത്സയില് കഴിയുകയായിരുന്നു 43കാരനാണ് കോഴിക്കോട് മെഡിക്കല് കോളേജ് ആശുപത്രിയിലെ ലാബില് നടത്തി പരിശോധനയില് രോ?ഗം സ്ഥിരീകരിച്ചത്. നിപ ഐസൊലേഷന് വാര്ഡ് പ്രവര്ത്തിക്കുന്നതിനാല് പേ വാര്ഡ് മേഖലയിലും പരിസര പ്രദേശങ്ങളിലും രോഗനിയന്ത്രണത്തിന്റെയും സുരക്ഷയുടെയും ഭാഗമായി കര്ശനമായ നിയന്ത്രണങ്ങളും ക്രമീകരണങ്ങള് ഏര്പ്പെടുത്തിയിട്ടുണ്ട്.
