.jpg)
ആഴ്ചയില് ഒന്നു വീതം കഴിക്കാൻ നല്കിയ അയണ് ഗുളികകള് ഒന്നിച്ചുകഴിച്ചു; വിദ്യാര്ഥികള് ആശുപത്രിയില്
Jul 26, 2025, 14:01 IST
ഒരു മാസത്തേക്ക് ആറ് ഗുളികകളാണ് നല്കിയത്. ആഴ്ചയില് ഒന്ന് വീതമാണ് കഴിക്കേണ്ടത്
മലപ്പുറം: സ്കൂളില് നിന്ന് നല്കിയ അയണ് ഗുളികകള് ഒന്നിച്ചുകഴിച്ച വിദ്യാർഥികള് ചികിത്സയില്.വള്ളിക്കുന്ന് സിബി ഹയര്സെക്കന്ഡറി സ്കൂളിലെ എട്ടാം ക്ലാസ് വിദ്യാര്ത്ഥികളെയാണ് ആശുപത്രിയില് പ്രവേശിപ്പിച്ചത്. അനീമിയ മുക്ത് ഭാരത് പദ്ധതിയില് കഴിഞ്ഞ ദിവസമാണ് അയണ് ഗുളിക നല്കിയത്. ഒരു മാസത്തേക്ക് ആറ് ഗുളികകളാണ് നല്കിയത്. ആഴ്ചയില് ഒന്ന് വീതമാണ് കഴിക്കേണ്ടത്.
tRootC1469263">വീട്ടില് എത്തി രക്ഷിതാക്കളോടു പറഞ്ഞ ശേഷം കഴിക്കാനാണ് നിര്ദ്ദേശം നല്കിയത്. എന്നാല് ഇത് അനുസരിക്കാതെ മുഴുവന് ഗുളികകളും ക്ലാസില് വച്ച് കഴിച്ചവരാണ് ആശുപത്രിയിലായത്. മറ്റു വിദ്യാര്ഥികള് അധ്യാപകരോടു വിവരം പറഞ്ഞതിനെ തുടര്ന്ന് പ്രത്യേക പരിശോധന നടത്തി മുഴുവന് ഗുളികകളും വിഴുങ്ങിയവരെ കണ്ടെത്തി ആശുപത്രിയിലേക്ക് മാറ്റുകയായിരുന്നു.
