.jpg)
ദില്ലിയിലെത്തിയ കേരളത്തിലെ നേതാക്കളുമായി ഹൈക്കമാന്ഡ് നേതൃത്വം ഇന്ന് ചര്ച്ച നടത്തും ; മുഖ്യമന്ത്രി ആരെന്ന് ഇന്ന് തീരുമാനിച്ചേക്കും
എംഎല്എമാരുടെ ഭൂരിപക്ഷത്തില് കെ സി വേണുഗോപാല് മുന്നില് നില്ക്കുമ്പോള്, ഘടകകക്ഷികളുടെ നിലപാടും, ജനവികാരവും വിഡി സതീശന് അനുകൂലമാണ്.
കേരളത്തിലെ മുഖ്യമന്ത്രി ചര്ച്ചയില് ഇന്ന് നിര്ണായക ദിനം. ദില്ലിയിലെത്തിയ കേരളത്തിലെ നേതാക്കളുമായി ഹൈക്കമാന്ഡ് നേതൃത്വം ഇന്ന് ചര്ച്ച നടത്തും. തര്ക്കം കൂടാതെ പ്രശ്നം പരിഹരിച്ചാല് വൈകുന്നേരത്തോടെ പ്രഖ്യാപനം വന്നേക്കാം. എംഎല്എമാരുടെ ഭൂരിപക്ഷത്തില് കെ സി വേണുഗോപാല് മുന്നില് നില്ക്കുമ്പോള്, ഘടകകക്ഷികളുടെ നിലപാടും, ജനവികാരവും വിഡി സതീശന് അനുകൂലമാണ്.
മുഖ്യമന്ത്രി സ്ഥാനത്തേയ്ക്ക് കെസി വേണുഗോപാലിന് എംഎല്എമാരുടെ വന് പിന്തുണയാണുള്ളത്. 45 ലധികം എംഎല്എമാര് നീരക്ഷകരോട് കെസി വേണുഗോപാല് മുഖ്യമന്ത്രിയാകണമെന്നാവശ്യപ്പെട്ടെന്നാണ് കെ സി പക്ഷം അവകാശപ്പെടുന്നത്. ഈ കണക്ക് ഹൈക്കമാന്ഡ് പരിഗണിക്കുമെന്ന ഉറച്ച് ആത്മവിശ്വാസമാണ് കെസി പക്ഷത്തിന്. മുഖ്യമന്ത്രി പദത്തില് ഘടകക്ഷികളുടെ പിന്തുണ തുണയാകുമെന്ന പ്രതീക്ഷയില് വി ഡി സതീശന് ക്യാമ്പ്. സീനിയോരിറ്റി പരിഗണിക്കുമെന്ന പ്രതീക്ഷയിലാണ് രമേശ് ചെന്നിത്തല.
