.jpg)
സിജെപി സമരത്തെ പിന്തുണച്ചവര്ക്കെതിരെ കേരളത്തില് രജിസ്റ്റര് ചെയ്ത കേസുകള് പിന്വലിക്കണം'; ഖര്ഗെയ്ക്ക് കത്തയച്ച് പ്രതിപക്ഷ നേതാവ് പിണറായി വിജയന്
രാഹുല് ഗാന്ധി അടക്കമുള്ളവര് നേതൃത്വം നല്കിയ സമരത്തിന് പിന്തുണ നല്കിയവര്ക്കെതിരെയാണ് കേരള സര്ക്കാര് കേസെടുത്തിരിക്കുന്നതെന്ന് ഓര്മ്മപ്പെടുത്തിയാണ് പിണറായി വിജയന് കത്ത് അയച്ചത്.
ഡല്ഹിയിലെ സിജെപി സമരത്തിന് പിന്തുണ അറിയിച്ച് പ്രതിഷേധിച്ചതിന്റെ പേരില് കേരളത്തില് രജിസ്റ്റര് ചെയ്ത കേസുകള് റദ്ദാക്കണമെന്ന് ആവശ്യപ്പെട്ട് കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയ്ക്ക് കത്തയച്ച് പ്രതിപക്ഷ നേതാവ് പിണറായി വിജയന്. രാഹുല് ഗാന്ധി അടക്കമുള്ളവര് നേതൃത്വം നല്കിയ സമരത്തിന് പിന്തുണ നല്കിയവര്ക്കെതിരെയാണ് കേരള സര്ക്കാര് കേസെടുത്തിരിക്കുന്നതെന്ന് ഓര്മ്മപ്പെടുത്തിയാണ് പിണറായി വിജയന് കത്ത് അയച്ചത്.
സമാന ആവശ്യം ഉന്നയിച്ച് മുഖ്യമന്ത്രിക്കും പിണറായി വിജയന് കത്ത് അയച്ചിരുന്നു. സമരം ഒത്തുതീര്ക്കുന്നതിന്റെ ഭാഗമായി എല്ലാ കേസുകളും പിന്വലിക്കുമെന്ന് കേന്ദ്ര സര്ക്കാര് സമ്മതിച്ചിട്ടും കേരളത്തില് അത്തരമൊരു തീരുമാനം യുഡിഎഫ് സര്ക്കാര് കൈക്കൊണ്ടിട്ടില്ലെന്ന് മുഖ്യമന്ത്രിക്ക് അയച്ച കത്തില് പിണറായി വിജയന് വിമര്ശിച്ചിരുന്നു.
കേന്ദ്ര സര്ക്കാര് പോലും വിദ്യാര്ത്ഥികള്ക്കെതിരായ കേസുകള് പിന്വലിക്കാന് തയ്യാറായ സാഹചര്യത്തില് കേന്ദ്ര സര്ക്കാരിനെതിരെ സമരത്തിന് ഐക്യദാര്ഢ്യം പ്രഖ്യാപിച്ചവരെ പ്രതികളാക്കി കേരളത്തില് എടുത്ത കേസുകള് തുടരുന്നത് ഉചിതമല്ല. വിദ്യാര്ത്ഥി സമരത്തിന് ഐക്യദാര്ഢ്യം പ്രഖ്യാപിച്ചതിന്റെ പേരില് കേരള പൊലീസ് ചുമത്തിയിട്ടുള്ള മുഴുവന് കേസുകളും നിരുപാധികം പിന്വലിക്കാന് തയ്യാറാകണമെന്നും പ്രതിപക്ഷ നേതാവ് ആവശ്യപ്പെട്ടിരുന്നു.