.jpg)
അഞ്ചു ദിവസം മുൻപ് കാണാതായ യുവതിയുടെ മൃതദേഹം പമ്പയാറ്റില്
Updated: May 2, 2026, 16:12 IST
തിരുവല്ലയില് സ്വകാര്യ ആശുപത്രിയില് ലാബ് ടെക്നീഷനായ യുവതി ഏപ്രില് 26-ന് വൈകീട്ട് ജോലിക്കായി തിരുവല്ലയിലേക്ക് പോയതാണ്.
ആലപ്പുഴ: ജോലിക്കായി പോയി അഞ്ചു ദിവസം മുൻപ് കാണാതായ യുവതിയുടെ മൃതദേഹം പമ്പയാറ്റില് പുളിക്കീഴ്ഭാഗത്ത് കണ്ടെത്തി.ഈരേഴ വടക്ക് ദേവീവിലാസത്തില് ധന്യ കൃഷ്ണ (29)യുടെ മൃതദേഹമാണ് പോലീസ് നടത്തിയ തിരച്ചിലില് അഴുകിയ നിലയില് കണ്ടെത്തിയത്.
തിരുവല്ലയില് സ്വകാര്യ ആശുപത്രിയില് ലാബ് ടെക്നീഷനായ യുവതി ഏപ്രില് 26-ന് വൈകീട്ട് ജോലിക്കായി തിരുവല്ലയിലേക്ക് പോയതാണ്.യുവതിയെ കാണാനില്ലെന്ന പരാതിയെ തുടർന്ന് മാവേലിക്കര പോലീസ് ഭർത്താവിന്റെ മൊഴിയെടുത്ത് അന്വേഷണം നടത്തിവരികയായിരുന്നു.സി.സി.ടി.വി. ദൃശ്യങ്ങള് കേന്ദ്രീകരിച്ചുള്ള അന്വേഷണത്തെ തുടർന്ന് പമ്പയാറ്റില് നടത്തിയ തിരച്ചിലിലാണ് വെള്ളിയാഴ്ച മൃതദേഹം കണ്ടെത്തിയത്.