കൊല്ലത്ത് മദ്യലഹരിയിൽ സംഘർഷം; 39കാരനെ കുത്തിക്കൊലപ്പെടുത്തി

കൊല്ലം:  മദ്യലഹരിയിൽ സംഘർഷത്തിൽ  കൊല്ലത്ത് യുവാവിനെ കുത്തിക്കൊലപ്പെടുത്തി. പാൽക്കുളങ്ങര സ്വദേശി രാജു (39) ആണ് കൊല്ലപ്പെട്ടത്. തൃക്കടവൂർ മഹാദേവ ക്ഷേത്രത്തിലെ ശിവരാജു എന്ന ആനയുടെ മൂന്നാം പാപ്പാനാണ് കൊല്ലപ്പെട്ട രാജു. കടവൂരിൽ ആണ് സംഭവം. മദ്യലഹരിയിൽ സുഹൃത്തുക്കൾ തമ്മിലുണ്ടായ തർക്കമാണ് കൊലപാതകത്തിൽ കലാശിച്ചത്.

സംഭവത്തിൽ ഒരാളെ പിടികൂടി. രണ്ടാം പ്രതിയായ മഹേഷിനെയാണ് പൊലീസ് കസ്റ്റഡിയിൽ എടുത്തത്. ഒന്നാം പ്രതി ശ്യാംകുമാർ ഒളിവിലാണ്. ഒന്നാം പ്രതി ശ്യാമിൻ്റെ സഹോദരനാണ് പിടിയിലായ രണ്ടാം പ്രതി മഹേഷ്.