.jpg)
ചൂട് 37 ഡിഗ്രി വരെ; കണ്ണൂർ, കാസർക്കോട് ജില്ലകളില് ഉയർന്ന താപനില
തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, പാലക്കാട് ജില്ലകളില് ഉയർന്ന താപനില 36 ഡിഗ്രി സെല്ഷ്യസ് വരെയും ഉയരാൻ സാധ്യതയെന്ന് കേന്ദ്ര കാലാവസ്ഥ വകുപ്പ്
തിരുവനന്തപുരം: ഇന്ന് സംസ്ഥാനത്ത് കണ്ണൂർ, കാസർക്കോട് ജില്ലകളില് ഉയർന്ന താപനില 37 ഡിഗ്രി സെല്ഷ്യസ് വരെയും തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, പാലക്കാട് ജില്ലകളില് ഉയർന്ന താപനില 36 ഡിഗ്രി സെല്ഷ്യസ് വരെയും ഉയരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.ഈ ജില്ലകളില് യെല്ലോ അലർട്ട് പ്രഖ്യാപിച്ചു.
tRootC1469263">പൊതുജനങ്ങള് ജാഗ്രത പാലിക്കണം.
ഉയര്ന്ന താപനിലയും ഈര്പ്പമുള്ള വായുവും കാരണം മേല്പറഞ്ഞ ജില്ലകളില്, മലയോര മേഖലകളിലൊഴികെ ഈ ദിവസങ്ങളില് ചൂടും അസ്വസ്ഥതയുമുള്ള കാലാവസ്ഥക്ക് സാധ്യതയുണ്ടെന്നാണ് കാലാവസ്ഥാ വകുപ്പിന്റെ പ്രവചനം.
ചൂട് വര്ധിച്ചു വരുന്ന സാഹചര്യത്തില് സംസ്ഥാന ദുരന്ത നിവാരണ അതോറിറ്റിയും ജാഗ്രതാനിര്ദേശങ്ങള് നല്കിയിട്ടുണ്ട്. ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകും. ആയതിനാല് പൊതുജനങ്ങള് ജാഗ്രത പാലിക്കണം.
