ക്ലാസിൽ ശ്രദ്ധിച്ചില്ല ; മലപ്പുറത്ത് അഞ്ചാം ക്ലാസുകാരിയുടെ കൈ ചൂരലുകൊണ്ട് തല്ലിയൊടിച്ച് അധ്യാപകൻ

  മലപ്പുറം : കൽപകഞ്ചേരിയിലെ എംഎസ്എംഎച്ച്എസ്എസ് സ്കൂളിൽ അഞ്ചാം ക്ലാസുകാരിയുടെ കൈ ചൂരലുകൊണ്ട് തല്ലിയൊടിച്ച് അധ്യാപകൻ. സംഭവത്തിൽ അധ്യാപകനായ വടകര സ്വദേശി ബൽരാജിനെതിരെ ജുവനൈൽ ജസ്റ്റിസ് ആക്ട് പ്രകാരം പോലീസ് കേസെടുത്തു. ക്ലാസിൽ ശ്രദ്ധിച്ചില്ലെന്ന് ആരോപിച്ചാണ് അധ്യാപകൻ കുട്ടിയെ ക്രൂരമായി മർദ്ദിച്ചത്. 

ഇതിനെത്തുടർന്ന് കുട്ടിയുടെ കൈയുടെ എല്ലിന് പൊട്ടലേൽക്കുകയായിരുന്നു. സംഭവം പുറത്തുവന്നതിന് പിന്നാലെ, ഇതേ അധ്യാപകൻ നേരത്തെ മറ്റൊരു വിദ്യാർത്ഥിയെയും സമാനമായ രീതിയിൽ മർദ്ദിച്ചിരുന്നെന്ന ഗുരുതരമായ വെളിപ്പെടുത്തലുകളും പുറത്തുവന്നു.