നിരവധി മയക്കുമരുന്ന് കേസുകളിലെ പ്രതി വീടിനുള്ളിൽ മരിച്ച നിലയിൽ

 കോഴിക്കോട്: മയക്കുമരുന്ന് കേസുകളിലെ പ്രതിയെ വീടിനുള്ളിൽ മരിച്ച നിലയിൽ കണ്ടെത്തി. കൊടുവള്ളിയിലാണ് നിരവധി മയക്കുമരുന്ന് കേസുകളിൽ പ്രതിയായ കളരാന്തിരി കോളികെട്ടിക്കുന്നുമ്മൽ മഹേഷ് കുമാറി(47)നെ മരിച്ച നിലയിൽ കണ്ടെത്തിയത്.

വീട്ടിൽ നിന്നും ദുർഗന്ധം വമിച്ചതിനെ തുടർന്ന് നടത്തിയ തിരച്ചിലിൽ മഹേഷ് കുമാറിന്റെ മൃതദേഹം ബെഡ് റൂമിൽ നിന്ന് കണ്ടെത്തിയത്. ഇയാൾ ഒറ്റയ്ക്കാണ് വീട്ടിൽ താമസം.