.jpg)
'ലോക്സഭയില് സുരേഷ് ഗോപിക്ക് വോട്ട് തൃശൂരില്; തദ്ദേശത്തില് തിരുവനന്തപുരത്ത്'; മറുപടി വേണമെന്ന് വി എസ് സുനില്കുമാര്
തെരഞ്ഞെടുപ്പ് കമ്മീഷന് വിശദീകരണം നല്കണമെന്നും വി എസ് സുനില് കുമാര് ആവശ്യപ്പെട്ടു.
ലോക്സഭാ തെരഞ്ഞെടുപ്പിലും തദ്ദേശ തെരഞ്ഞടുപ്പിലും സുരേഷ് ഗോപി രണ്ടിടത്ത് വോട്ട് ചെയ്തത് എങ്ങനെയെന്ന് സിപിഐ നേതാവ് വി എസ് സുനില് കുമാര്. എങ്ങനെയാണ് ഇത് സംഭവിക്കുന്നത് എന്നും ഇക്കാര്യത്തില് തെരഞ്ഞെടുപ്പ് കമ്മീഷന് വിശദീകരണം നല്കണമെന്നും വി എസ് സുനില് കുമാര് ആവശ്യപ്പെട്ടു.
tRootC1469263">ഫേസ്ബുക്ക് പോസ്റ്റിലൂടെയായിരുന്നു സുനില് കുമാര് കമ്മീഷനോട് മറുപടി ആവശ്യപ്പെട്ടത്. '2024ലെ ലോക്സഭാ തെരഞ്ഞെടുപ്പില് കേന്ദ്രമന്ത്രി സുരേഷ് ഗോപിയും കുടുംബവും തൃശൂര് കോര്പ്പറേഷനിലെ നെട്ടിശ്ശേരിയില് സ്ഥിരതാമസക്കാരാണെന്ന് പറഞ്ഞാണ് വോട്ട് ചേര്ത്തതും ചെയ്തതും. ഇപ്പോള് നടന്ന തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പില് അദ്ദേഹവും കുടുംബവും വോട്ട് ചെയ്തത് തിരുവനന്തപുരം കോര്പ്പറേഷനിലെ ശാസ്തമംഗലം ഡിവിഷനിലും. ഇത് എങ്ങനെയാണ് സംഭവിക്കുന്നത്? ഇതിന് ഇലക്ഷന് കമ്മീഷനും കേന്ദ്രമന്ത്രിയും മറുപടി നല്കണം'; എന്നാണ് സുനില് കുമാര് ആവശ്യപ്പെട്ടത്.
