’നിലമ്പൂർ ഉപതെരഞ്ഞെടുപ്പിൽ അൻവർ കൂടെ നിന്നിരുന്നെങ്കിൽ നന്നായിരുന്നേനേ, അൻവറിന് മുന്നിൽ വാതിൽ അടച്ചിട്ടില്ല, അടച്ചാൽ തന്നെ തുറക്കാൻ താക്കോൽ കാണുമല്ലോ’ : സണ്ണി ജോസഫ്

Whatsapp Group

‘അൻവർ കൂടെ നിന്നിരുന്നെങ്കിൽ നന്നായിരുന്നു എന്ന് ആരും കണക്കുകൂട്ടി പറയുമല്ലോ. അൻവർ നിൽ​ക്കേണ്ടതായിരുന്നു. ഇക്കാര്യം ചർച്ച ചെയ്യേണ്ടതുണ്ട്. അൻവർ 15,000- 20,000 വോട്ടുപിടിക്കുമെന്നാണ് കരുതുന്നത്. അൻവറിന് മുന്നിൽ വാതിൽ കൊട്ടിയടച്ചതല്ല. നമ്മൾ സ്ഥാനാർഥിയെ പ്രഖ്യാപിച്ചപ്പോൾ അതിനെതിരെ അദ്ദേഹം പരസ്യമായി നിലപാട് പ്രഖ്യാപിക്കുകയായിരുന്നു. വാതിൽ അടച്ചിട്ടില്ല, അടച്ചാൽ തന്നെ താക്കോൽ ഉണ്ടാകുമല്ലോ? ആവശ്യമുണ്ടെങ്കിൽ തുറക്കാം’ -അദ്ദേഹം പറഞ്ഞു.

കെ.പി.സി.സി പ്രസിഡന്റ് ഒറ്റക്കല്ലെന്നും ഈ വിജയത്തിന് പിന്നിൽ കരുത്തുറ്റ ടീം ഒപ്പമുണ്ടെന്നും സണ്ണിജോസഫ് പറഞ്ഞു.‘യു.ഡി.എഫ് അതിശക്തമാണ്. ടീമിന്റെ വിജയമാണിത്. അതിനുള്ള ജനപിന്തുണ ഞങ്ങൾക്ക് ലഭിച്ചു. അതിന് നന്ദി പറയുന്നു. ഈ ടീം വർക്ക് തുടരുക തന്നെ ചെയ്യും. 2026ലെ തെരഞ്ഞെടുപ്പിനുള്ള ചവിട്ടുപടിയാണിത്’ -അദ്ദേഹം അഭിപ്രായപ്പെട്ടു.