.jpg)
ആറളത്ത് കാട്ടാന ആക്രമണത്തിൽകൊല്ലപ്പെട്ട അനീഷിന്റെ കുടുംബത്തിന് അടിയന്തര സാമ്പത്തിക സഹായം സർക്കാർ നൽകണം ; സണ്ണി ജോസഫ് എംഎൽഎ
കണ്ണൂർ : ആറളത്ത് കാട്ടാന ആക്രമണത്തിൽ ഒരു മനുഷ്യ ജീവൻ കൂടി പൊലിഞ്ഞതിൽ ജനങ്ങൾക്കുള്ള വേദനയിലും ഉത്കണ്ഠയിലും പങ്കുചേരുന്നുവെന്ന് കെപിസിസി പ്രസിഡന്റ് സണ്ണി ജോസഫ് എംഎൽഎ. വനംവകുപ്പ് അധികാരികളും ആറളംഫാം ഉദ്യോഗസ്ഥരും പട്ടികജാതി ജനവിഭാഗങ്ങളുടെ സംരക്ഷണത്തിനായി നടപടി സ്വീകരിക്കണമെന്ന് പലവട്ടം ആവശ്യം ഉന്നയിച്ചതാണ്. കാട്ടാനശല്യം തടയുന്നതിനായി കഴിഞ്ഞ ദിവസങ്ങളിൽ വനംവകുപ്പ് അധികൃതരുടെ യോഗം ചേർന്ന് ആർആർടി സംഘത്തെ കൂടുതൽ നിയോഗിക്കണമെന്ന് ആവശ്യപ്പെട്ടിരുന്നു.
tRootC1469263">വനമതിൽ നിർമ്മിക്കുന്നതിലുള്ള കാലതാമസത്തിലുള്ള ആശങ്കയും രേഖപ്പെടുത്തിയിരുന്നു. എന്നിട്ടും കാര്യക്ഷമമായ ഇടപെടൽ ഉണ്ടായില്ലെന്നും സണ്ണി ജോസഫ് എംഎൽഎ പറഞ്ഞു. നേരത്തെയും ഇത്തരത്തിൽ കാട്ടനാ ആക്രമണം ഉണ്ടാകുമ്പോൾ അത് ആവർത്തിക്കാതിരിക്കാൻ നടപടി സ്വീകരിക്കുമെന്ന് വനം മന്ത്രി ഉൾപ്പെടെ ഉറപ്പുനൽകിയതാണ്. എന്നാൽ അതൊന്നും പാലിക്കപ്പെടുന്നില്ല. കാട്ടാന ആക്രമണവും വന്യമൃശ ശല്യവും പ്രതിരോധിക്കാൻ അടിയന്തര നടപടി ഉണ്ടാകണം. കാട്ടാന ആക്രമണത്തിൽ മരിച്ച അനീഷിന്റെ കുടുംബത്തിന് അടിയന്തര സാമ്പത്തിക സഹായം സർക്കാർ നൽകണമെന്നും സണ്ണി ജോസഫ് ആവശ്യപ്പെട്ടു.
