.jpg)
'സുഹാന്റേത് മുങ്ങിമരണം, ശരീരത്തില് സംശയാസ്പദമായ മുറിവുകളും പരിക്കുകളും ഇല്ല'; പോസ്റ്റ്മോര്ട്ടം പൂര്ത്തിയായി
പാലക്കാട് ജില്ലാ ആശുപത്രി മോര്ച്ചറിയില് വച്ചായിരുന്നു പോസ്റ്റ്മോര്ട്ടം നടത്തിയത്.
ചിറ്റൂരില് മരിച്ച ആറുവയസുകാരന് സുഹാന്റേത് മുങ്ങി മരണം തന്നെയെന്ന് പോസ്റ്റ്മോര്ട്ടം റിപ്പോര്ട്ട്. സുഹാന്റെ ശരീരത്തില് സംശയാസ്പദമായ മുറിവുകളോ പരിക്കുകളോ ഇല്ലെന്നും പോസ്റ്റ്മോര്ട്ടത്തില് കണ്ടെത്തി. പാലക്കാട് ജില്ലാ ആശുപത്രി മോര്ച്ചറിയില് വച്ചായിരുന്നു പോസ്റ്റ്മോര്ട്ടം നടത്തിയത്.
tRootC1469263">സുഹാന്റെ മൃതദേഹം ആദ്യം സുഹാന് പഠിച്ച അമ്പാട്ടുപാളയം റോയല് ഇന്ത്യന് സ്കൂളിലേക്ക് എത്തിക്കും. ശേഷം എരുമങ്കാടുള്ള മാതാവിന്റെ വീട്ടിലും ഉച്ചയ്ക്കുശേഷം ചിറ്റൂര് നല്ലേപ്പിള്ളിയിലുള്ള പിതാവിന്റെ വീട്ടിലും പൊതുദര്ശനത്തിന് വെക്കും. ശേഷം ഖബറടക്കും. കഴിഞ്ഞ ദിവസം പകല് 11 മണിയോടെ കാണാതായ സുഹാന്റെ മൃതദേഹം വീടിനടുത്തുള്ള കുളത്തില് നിന്ന് കണ്ടെത്തുകയായിരുന്നു.
കറുകമണി, എരുമങ്കോട് സ്വദേശികളായ മുഹമ്മദ് അനസ്-തൗഹീദ ദമ്പതികളുടെ മകനാണ് സുഹാന്. 22 മണിക്കൂറോളം നീണ്ട പരിശോധനയിലാണ് ഇന്ന് രാവിലെ ഒമ്പത് മണിയോടെ മൃതദേഹം കണ്ടെത്തിയത്.