ലൈസൻസ് ഇല്ലാത്ത സ്പാകൾക്കെതിരെ ശക്തമായ നടപടി,'ഓപ്പറേഷൻ സ്പാ' ശക്തമാക്കും; ആഭ്യന്തര മന്ത്രി

തൃശൂർ: സംസ്ഥാനത്ത് അനധികൃത സ്പാകളുടെ പ്രവർത്തനവും ലൈംഗിക ചൂഷണവുമായി ബന്ധപ്പെട്ട പരാതികളും വർധിക്കുന്ന സാഹചര്യത്തിൽ കടുത്ത നടപടിയുമായി സർക്കാർ. ഇതിന്റെ ഭാഗമായി 'ഓപ്പറേഷൻ സ്പാ' എന്ന പേരിൽ സംസ്ഥാനവ്യാപകമായി പരിശോധന നടത്തും.

പെൺകുട്ടികളെയും കുടുംബങ്ങളെയും ചൂഷണം ചെയ്യാനും ആളുകളെ വഞ്ചിക്കാനും പ്രശ്നങ്ങൾ ഉണ്ടാക്കാനും പലയിടങ്ങളിലും സ്പാകൾ പ്രവർത്തിക്കുകയാണ്. നിരവധി പരാതികൾ ഉയർന്നുവരികയാണ്.

ലൈസൻസ് ഇല്ലാതെ നടത്തുന്ന സ്പാകൾക്കെതിരെ ശക്തമായ നിയമ നടപടി ഉണ്ടാകുമെന്നും യാതൊരു നിയമം പാലിക്കാതെ നടത്തുന്ന ഇത്തരം സ്ഥാപനങ്ങൾ പൂട്ടിക്കുമെന്നും ആഭ്യന്തര മന്ത്രി അറിയിച്ചു.

മൂന്നുനാല് ദിവസമായി പൊലീസ് റെയ്ഡ് പുരോഗമിക്കുന്നുണ്ട്. യാതൊരു നിയമവും പാലിക്കാതെ സ്പാ നടത്തുന്നു. ഷോപ്പ് ആൻ്റ് എസ്റ്റാബ്ലിഷ്മെൻ്റ് ആക്ട് പ്രകാരമാണ് ഇത്തരം സ്ഥാപനങ്ങൾ നടത്തുന്നതെന്നും നിയമനിർമാണത്തെക്കുറിച്ച് സർക്കാർ ആലോചിക്കുന്നുവെന്നും മന്ത്രി വ്യക്തമാക്കി