.jpg)
പാറമേക്കാവിന്റെ വെടിക്കെട്ട് നിര്മ്മാണത്തിന് സ്റ്റോപ്പ് മെമ്മോ
വെടിക്കെട്ട് നിർമാണശാലയുടെ പ്രവർത്തനം പൂർണമായും നിർത്തിവെക്കണമെന്നാണ് നിർദേശം നല്കിയിരിക്കുന്നത്.
ത്രിശൂർ: തൃശൂർ മുണ്ടത്തിക്കോട് വെടിക്കെട്ട് ദുരന്തത്തിൻ്റെ പശ്ചാത്തലത്തില് പാറമേക്കാവിന്റെ പാലക്കാട് മുതലമട വെള്ളാരംകടവിലുള്ള വെടിമരുന്ന് നിർമ്മാണശാലയ്ക്ക് സ്റ്റോപ്പ് മെമ്മോ നല്കി .ജില്ലാ കളക്ടറുടെ നിർദ്ദേശപ്രകാരം ചിറ്റൂർ തഹസില്ദാർ ആർ രാമചന്ദ്രനാണ് സ്റ്റോപ്പ് മെമ്മോ നല്കിയിരിക്കുന്നത്.
കെവിൻ സ്റ്റീഫനാണ് പാറമേക്കാവ് വെടിക്കെട്ടിൻ്റെ ലൈസൻസ് നല്കിയിരിക്കുന്നത്. വെടിക്കെട്ട് നിർമാണശാലയുടെ പ്രവർത്തനം പൂർണമായും നിർത്തിവെക്കണമെന്നാണ് നിർദേശം നല്കിയിരിക്കുന്നത്. തിരുവമ്ബാടി വിഭാഗം വെടിക്കെട്ടില് നിന്നും പൂർണമായും വിട്ടു നില്ക്കുന്നതായി അറിയിച്ചിരുന്നു. പൂരം നടത്തണോ വേണ്ടയോ എന്നത് സർക്കാർ തീരുമാനിക്കട്ടെ എന്നായിരുന്നു അവരുടെ നിലപാട്.
അതേസമയം മുണ്ടത്തിക്കോട് സ്ഫോടനത്തില് മരിച്ചവരുടെ കുടുംബത്തിന് 14 ലക്ഷം രൂപ പ്രഖ്യാപിച്ച് സംസ്ഥാന സര്ക്കാര്.സിഎംഡിആര്എഫില് നിന്നും 10 ലക്ഷം രൂപ വീതവും എസ്ഡിആര്എഫില് നിന്നും 4 ലക്ഷം രൂപ വീതവും നല്കാനാണ് തീരുമാനം. പരിക്കേറ്റവര്ക്ക് രണ്ട് ലക്ഷം രൂപ വീതം നല്കും. പരിക്കേറ്റവര്ക്ക് സൗജന്യ ചികിത്സ ഉറപ്പാക്കുമെന്നും മന്ത്രിസഭാ യോഗത്തില് തീരുമാനമായി. ദുരന്തത്തില് ജുഡീഷ്യല് അന്വേഷണം പ്രഖ്യാപിച്ചു.