.jpg)
ജലനിരപ്പ് ഉയരുന്ന പശ്ചാത്തലത്തില് നെയ്യാര്ഡാമിന്റെ ഷട്ടറുകള് വീണ്ടും ഉയർത്തി ,കനത്ത ജാഗ്രത നിര്ദേശം നല്കി
ഡാമിന്റെ സമീപപ്രദേശങ്ങളില് താമസിക്കുന്നവർ ജാഗ്രത പാലിക്കണമെന്ന് ജില്ലാ കളക്ടർ അറിയിച്ചു
തിരുവനന്തപുരം: നെയ്യാര് ഡാമിന്റെ ഷട്ടറുകള് ഇന്ന് വീണ്ടും ഉയർത്തി. കനത്ത മഴയെ തുടര്ന്ന് നെയ്യാര് ഡാമില് ജലനിരപ്പ് ഉയരുന്ന സാഹചര്യത്തിലാണ് നടപടി.ഡാമിന്റെ നാലു ഷട്ടറുകളും രാവിലെ 10 മണിക്ക് 20 സെന്റിമീറ്റർ വീതം ഉയർത്തി.നിലവില് ഡാമിന്റെ ഷട്ടറുകള് 160 സെന്റിമീറ്റർ ഉയർത്തിയിട്ടുണ്ട്. 20 സെന്റീമീറ്റർ കൂടി ഉയർത്തുന്നതോടെ ഷട്ടറുകള് ആകെ 240 സെന്റീമീറ്റർ ഉയരും.
tRootC1469263">ഡാമിന്റെ സമീപപ്രദേശങ്ങളില് താമസിക്കുന്നവർ ജാഗ്രത പാലിക്കണമെന്ന് ജില്ലാ കളക്ടർ അറിയിച്ചു.നെയ്യാർ ഡാമിലും മഞ്ഞ അലർട്ട് പ്രഖ്യാപിച്ച സാഹചര്യത്തിലാണ് നടപടി.അതേസമയം, സംസ്ഥാനത്ത് തുടരുന്ന മഴ തെക്കൻ ജില്ലകളില് ഇന്നും ശക്തമായി തുടരുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്.
തിരുവനന്തപുരം മുതല് എറണാകുളം വരെ ഏഴ് ജില്ലകളില് ഇന്ന് യെല്ലോ അലർട്ടും നിലവിലുണ്ട്.തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നിവിടങ്ങളില് തിങ്കളാഴ്ച മഞ്ഞ അലർട്ട്.
ഇടിമിന്നലോടു കൂടി ശക്തമായ മഴയ്ക്കുള്ള സാധ്യതയുണ്ടെ്നനാണ് മുന്നറിയിപ്പ്. സന്നിധാനം, പമ്ബ, നിലയ്ക്കല് എന്നിവിടങ്ങളില് ഒറ്റപ്പെട്ട മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.