ആരോ​ഗ്യവാനായി പിണറായി വിജയൻ ഈ കേരളത്തെ നയിക്കണം..! മുഖ്യമന്ത്രിയുടെ ആരോ​ഗ്യത്തിനായി പൊങ്കാലയ‌ർപ്പിച്ച് ശോഭ ജോ‌‌‌ർജ്.

തിരുവനന്തപുരം: ലക്ഷകണക്കിന് ഭക്തർ ഓരോ ആഗ്രഹങ്ങളും സ്വപ്നങ്ങളുമായാണ് ആറ്റുകാൽ അമ്മയ്ക്ക് പൊങ്കാല സമർപ്പിക്കാനായി എത്തുന്നത്. എന്നാൽ മുഖ്യമന്ത്രിയുടെ ആരോ​ഗ്യത്തിന് വേണ്ടി പൊങ്കാലയ‌ർപ്പിക്കാനാണ്  ശോഭ ജോ‌‌‌ർജ് എത്തിയത്. ആരോ​ഗ്യവാനായി പിണറായി വിജയൻ ഈ കേരളത്തെ നയിക്കണം എന്നും അതിനാണ് ഈ പെങ്കാലയെന്നും ശോഭ ജോർജ് പ്രതികരിച്ചു."ഒരേയൊരു ആ​ഗ്രഹമേയുള്ളൂ, പട്ടിണിയില്ലാത്ത ഒരു കേരളം നമുക്ക് തന്ന, സഹോദരന്‍റെ സ്ഥാനത്ത് ഞാൻ കാണുന്ന കേരളത്തിന്‍റെ മുഖ്യമന്ത്രിക്ക് ആറ്റുകാലമ്മ പൂ‌ർണ ആരോ​ഗ്യം നൽകട്ടെ, ഇപ്പോഴും അദ്ദേഹം ആരോ​ഗ്യവാനാണ് കൂടുതൽ ആരോ​ഗ്യവാനായി ഈ കേരളത്തെ നയിക്കണം", ശോഭ ജോർജ് പറഞ്ഞു.