സംസ്ഥാനത്ത് ഷിഗെല്ല പടരുന്നു ; ആറ് പേർക്ക് കൂടി രോഗബാധ

 കേരളത്തിൽ ഷിഗെല്ല രോഗബാധ ആശങ്കയുയർത്തുന്നു. സംസ്ഥാനത്ത് പുതുതായി ആറ് പേർക്ക് കൂടി ഷിഗെല്ല സ്ഥിരീകരിച്ചതായി ആരോഗ്യവകുപ്പ് അറിയിച്ചു. കോഴിക്കോട് ജില്ലയിൽ നാല് പേർക്കും മലപ്പുറത്ത് രണ്ട് പേർക്കുമാണ് പുതുതായി രോഗം കണ്ടെത്തിയത്.

ഈ വർഷം ഇതുവരെ സംസ്ഥാനത്ത് 273 പേർക്ക് ഷിഗെല്ല സ്ഥിരീകരിച്ചിട്ടുണ്ട്. ജൂൺ മാസത്തിൽ മാത്രം 197 പേർക്കാണ് രോഗം ബാധിച്ചത്. ഇതിൽ ആറ് മരണങ്ങളും റിപ്പോർട്ട് ചെയ്യപ്പെട്ടിട്ടുണ്ട്. കോഴിക്കോട്, മലപ്പുറം, വയനാട് ജില്ലകളിലാണ് ജൂൺ മാസത്തിൽ ഏറ്റവും കൂടുതൽ പേർക്ക് രോഗം സ്ഥിരീകരിച്ചിട്ടുള്ളത്.