.jpg)
ലൈംഗിക പീഡന പരാതി; രാഹുല് മാങ്കൂട്ടത്തിലിനെതിരെ കേസെടുത്തു, നിര്ബന്ധിത ഗര്ഭഛിദ്രം അടക്കം ചുമത്തി എഫ്ഐആര്
വിവാഹ വാഗ്ദാനം നല്കി പീഡിപ്പിച്ചു, നിര്ബന്ധിച്ച് ഗര്ഭഛിദ്രം നടത്തി എന്നീ കുറ്റങ്ങളാണ് രാഹുല് മാങ്കൂട്ടത്തിലിനെതിരെ ചുമത്തിയിരിക്കുന്നത്.
ലൈംഗിക പീഡന പരാതിയില് പാലക്കാട് എംഎല്എ രാഹുല് മാങ്കൂട്ടത്തിലിനെതിരെ പൊലീസ് കേസെടുത്തു. തിരുവനന്തപുരം വലിയമല പൊലീസ് സ്റ്റേഷനിലാണ് എഫ്ഐആര് രജിസ്റ്റര് ചെയ്തത്. വിവാഹ വാഗ്ദാനം നല്കി പീഡിപ്പിച്ചു, നിര്ബന്ധിച്ച് ഗര്ഭഛിദ്രം നടത്തി എന്നീ കുറ്റങ്ങളാണ് രാഹുല് മാങ്കൂട്ടത്തിലിനെതിരെ ചുമത്തിയിരിക്കുന്നത്.
tRootC1469263">കേസ് പിന്നീട് നേമം പൊലീസ് സ്റ്റേഷനിലേക്ക് കൈമാറും. തിരുവനന്തപുരം റൂറല് എസ് പിക്കാണ് കേസിന്റെ അന്വേഷണ ചുമതല. കേസില് പരാതിക്കാരിയായ അതിജീവിതയുടെ മൊഴി ഇന്നലെ രാത്രി രേഖപ്പെടുത്തിയിരുന്നു. ഡിജിറ്റല് തെളിവുകളും മെഡിക്കല് രേഖകളും യുവതി പൊലീസിന് കൈമാറിയിട്ടുണ്ട്.
അതേസമയം, കേസില് മുന്കൂര് ജാമ്യത്തിനുള്ള നീക്കം സജീവമാക്കി രാഹുല് മാങ്കൂട്ടത്തില് എംഎല്എ. കൊച്ചിയിലെ അഭിഭാഷകനുമായി രാഹുല് മാങ്കൂട്ടത്തില് ചര്ച്ച നടത്തി. തിരുവനന്തപുരം ജില്ലാ സെഷന്സ് കോടതിയേയോ ഹൈക്കോടതിയേയോ സമീപിക്കാനാണ് ആലോചന.