.jpg)
ലൈംഗികാതിക്രമക്കേസ്: പി ടി കുഞ്ഞുമുഹമ്മദിനെതിരെ കുറ്റപത്രം സമര്പ്പിച്ചു; ചലച്ചിത്ര പ്രവര്ത്തകരുള്പ്പടെ 6 സാക്ഷികള്
ലൈംഗികാതിക്രമം, സ്ത്രീത്വത്തെ അപമാനിക്കല് തുടങ്ങി ഒരു വര്ഷം മുതല് അഞ്ച് വര്ഷം വരെ തടവുശിക്ഷ ലഭിക്കാവുന്ന കുറ്റങ്ങളാണ് ചുമത്തിയത്.
ചലച്ചിത്ര പ്രവര്ത്തകയോട് ഹോട്ടല് മുറിയില്വെച്ച് അപമര്യാദയായി പെരുമാറിയെന്ന കേസില് സംവിധായകന് പി ടി കുഞ്ഞുമുഹമ്മദിനെതിരെ കുറ്റപത്രം സമര്പ്പിച്ചു. തിരുവനന്തപുരം കന്റോണ്മെന്റ് പൊലീസാണ് കുറ്റപത്രം സമര്പ്പിച്ചത്. 2025 നവംബര് ആറിന് തിരുവനന്തപുരത്ത് ഐഎഫ്എഫ്കെ ചലചിത്രമേളയുടെ സ്ക്രീനിങ്ങിനിടെയായിരുന്നു പരാതിക്കാസ്പദമായ സംഭവം. ലൈംഗികാതിക്രമം, സ്ത്രീത്വത്തെ അപമാനിക്കല് തുടങ്ങി ഒരു വര്ഷം മുതല് അഞ്ച് വര്ഷം വരെ തടവുശിക്ഷ ലഭിക്കാവുന്ന കുറ്റങ്ങളാണ് ചുമത്തിയത്. ചലച്ചിത്ര പ്രവര്ത്തകരടക്കം ആറ് സാക്ഷികളാണുള്ളത്.
tRootC1469263">ഐഎഫ്എഫ്കെ സ്ക്രീനിങ്ങുമായി ബന്ധപ്പെട്ട ചര്ച്ചയ്ക്കെന്ന പേരില് തലസ്ഥാനത്തെ ഹോട്ടല് മുറിയിലേക്ക് വിളിച്ചുവരുത്തി ചലച്ചിത്ര പ്രവര്ത്തകയെ പി ടി കുഞ്ഞുമുഹമ്മദ് കടന്നുപിടിക്കാന് ശ്രമിച്ചെന്നായിരുന്നു പരാതി. സംവിധായിക മുഖ്യമന്ത്രിക്ക് നല്കിയ പരാതിയിലാണ് പൊലീസ് കേസെടുത്തത്. പരാതിക്കാരി പരാതിയില് പറയുന്ന സമയത്ത് ഇരുവരും ഹോട്ടലില് ഉണ്ടായിരുന്നുവെന്ന് തെളിയിക്കുന്ന സിസിടിവി ദൃശ്യങ്ങള് പൊലീസിന് ലഭിച്ചിരുന്നു. പരാതിക്കാരിയുടെ രഹസ്യമൊഴി നേരത്തെ ജുഡീഷ്യല് മജിസ്ട്രേറ്റ് കോടതി രേഖപ്പെടുത്തിയിരുന്നു.
