.jpg)
ഇ ഡിക്ക് തിരിച്ചടി; കിഫ്ബി മസാല ബോണ്ടിലെ നോട്ടീസ് സ്റ്റേ ചെയ്ത് ഹൈക്കോടതി
മൂന്ന് വര്ഷത്തിലേറെ നീണ്ട അന്വേഷണത്തിലൊടുവിലാണ് ഇഡി അഡ്ജുഡിക്കേറ്റിങ് അതോറിറ്റിക്ക് മുന്പാകെ നോട്ടീസ് സമര്പ്പിച്ചത്.
ഡല്ഹി: കിഫ്ബി മസാലബോണ്ട് കേസില് മുഖ്യമന്ത്രി പിണറായി വിജയന് എതിരായ ഇഡി നോട്ടീസ് ഹൈക്കോടതി സ്റ്റേ ചെയ്തു. നോട്ടീസ് റദ്ദാക്കണമെന്ന് ആവശ്യപ്പെട്ട് മുഖ്യമന്ത്രി നല്കിയ ഹര്ജിയിലാണ് ഉത്തരവ്.മുന് ധനമന്ത്രി ഡോ. തോമസ് ഐസക്ക്, കിഫ്ബി സിഇഒ കെ എം എബ്രഹാം എന്നിവര്ക്കെതിരായ നോട്ടീസും ഹൈക്കോടതി സ്റ്റേ ചെയ്തിട്ടുണ്ട്.
tRootC1469263">ഇഡി അഡ്ജുഡിക്കേറ്റിങ്ങ് അതോറിറ്റിയുടെ നടപടിയാണ് സ്റ്റേ ചെയ്തത്.സംസ്ഥാന മുഖ്യമന്ത്രി എന്ന നിലയിലാണ് കിഫ്ബിയുടെ ചെയര്മാനായത്. ഔദ്യോഗിക തലത്തിലുള്ള നിലപാടാണ് ഇതില് സ്വീകരിച്ചതെന്നുമാണ് മുഖ്യമന്ത്രി വ്യക്തമാക്കിയത്. മസാല ബോണ്ടു വഴി സമാഹരിച്ച ഏതാണ്ട് 2000 കോടി രൂപയില് 450 കോടിയോളം രൂപ ഭൂമി വാങ്ങാന് വിനിയോഗിച്ചുവെന്നാണ് എന്ഫോഴ്സ്മെന്റിന്റെ കണ്ടെത്തല്. ഇത്തരത്തില് ഭൂമി വാങ്ങുന്നത് ചട്ടവിരുദ്ധമാണെന്നാണ് എന്ഫോഴ്സ്മെന്റ് പറയുന്നത്.
മൂന്ന് വര്ഷത്തിലേറെ നീണ്ട അന്വേഷണത്തിലൊടുവിലാണ് ഇഡി അഡ്ജുഡിക്കേറ്റിങ് അതോറിറ്റിക്ക് മുന്പാകെ നോട്ടീസ് സമര്പ്പിച്ചത്. മസാല ബോണ്ട് വഴി സമാഹരിച്ച പണം അടിസ്ഥാന സൗകര്യ പദ്ധതികള്ക്ക് വിനിയോഗിച്ചത് ചട്ടലംഘനമെന്നാണ് ഇഡിയുടെ കണ്ടെത്തല്.
എന്നാല് റിയല് എസ്റ്റേറ്റ് ഇടപാടല്ല നടത്തിയതെന്നും, ഭൂമി ഏറ്റെടുത്തത് സംസ്ഥാനത്തിന്റെ അടിസ്ഥാന വികസനപദ്ധതികളുടെ ഭാഗമായിട്ടാണെന്നുമായിരുന്നു മുഖ്യമന്ത്രി ചൂണ്ടിക്കാട്ടിയിരുന്നത്. ഈ വാദം പരിഗണിച്ച് മുഖ്യമന്ത്രിക്കും തോമസ് ഐസക്കിനും കെ എം എബ്രാഹമിനുമെതിരെ നോട്ടീസില് തുടര് നടപടികള് നിര്ത്തിവെക്കാന് ഹൈക്കോടതി നിര്ദേശിച്ചു.
കിഫ്ബി ചെയ്യുന്ന അടിസ്ഥാന സൗകര്യ വികസന പ്രവര്ത്തനങ്ങള് റിയല് എസ്റ്റേറ്റ് പ്രവര്ത്തനമായി പറയാനാവില്ലെന്ന വാദത്തില് പ്രഥമദൃഷ്ട്യാ കഴമ്ബുണ്ടെന്നും അഡ്ജുഡിക്കേഷന് അതോറിറ്റിക്ക് ഇക്കാര്യത്തില് അധികാരമില്ലെന്നും സിംഗിള് ബെഞ്ച് ചൂണ്ടിക്കാട്ടിയിരുന്നു