.jpg)
റെയില്വേ പ്ലാറ്റ്ഫോമിലൂടെ സ്കൂട്ടര് യാത്ര; പട്ടാമ്പി സ്വദേശിക്കെതിരെ കേസ്
Updated: Jul 30, 2026, 15:34 IST
റെയില്വേ പരിധിയിലേക്ക് അനധികൃതമായി വാഹനം പ്രവേശിപ്പിച്ചതും പ്ലാറ്റ്ഫോമിലെ മറ്റ് യാത്രക്കാര്ക്ക് അപകടം ഉണ്ടാക്കത്തരീതിയില് വാഹനം ഓടിച്ചതുള്പ്പടെയുള്ള വകുപ്പുകളാണ് ഇയാള്ക്കെതിരെ എടുത്തത്.
മലപ്പുറം: കുറ്റിപ്പുറം റെയില്വേ സ്റ്റേഷനിലെ പ്ലാറ്റ്ഫോമിലൂടെ സ്കൂട്ടര് യാത്ര നടത്തിയ സംഭവത്തില് കേസ് എടുത്ത് റെയില്വേ പൊലീസ്. പട്ടാമ്പി സ്വദേശിയായ കുഞ്ഞുമൊയ്തീനെതിരെയാണ് കേസ് എടുത്തത്.
ഇന്നലെ ഉച്ചയ്ക്കായിരുന്നു സംഭവം.എളുപ്പത്തില് പോകാന് വേണ്ടി ഇയാള് പ്ലാറ്റ് ഫോം ഉപയോഗിക്കുകയായിരുന്നുവെന്നാണ് വിവരം. പ്ലാറ്റ്ഫോമിലൂടെ ഇയാള് ടൂവീലര് ഓടിച്ച് പോയത് റെയില്വേ ഉദ്യോഗസ്ഥരുടെ ശ്രദ്ധയില്പ്പെട്ടു. തുടര്ന്ന് സിസിടിവി ദൃശ്യങ്ങള് കേന്ദ്രീകരിച്ച് നടത്തിയ പരിശോധനയിലാണ് ആളെ തിരിച്ചറിഞ്ഞത്.
റെയില്വേ പരിധിയിലേക്ക് അനധികൃതമായി വാഹനം പ്രവേശിപ്പിച്ചതും പ്ലാറ്റ്ഫോമിലെ മറ്റ് യാത്രക്കാര്ക്ക് അപകടം ഉണ്ടാക്കത്തരീതിയില് വാഹനം ഓടിച്ചതുള്പ്പടെയുള്ള വകുപ്പുകളാണ് ഇയാള്ക്കെതിരെ എടുത്തത്. ആറ് മാസം വരെ തടവ് ശിക്ഷ ലഭിക്കാവുന്ന വകുപ്പുകളാണിവ.