.jpg)
എട്ട് മുതല് 12 വരെ ക്ലാസുകളിലുള്ള സ്കൂള് വിദ്യാര്ത്ഥികള്ക്കും കോളേജ് വിദ്യാര്ത്ഥികള്ക്കും അഞ്ച് ലക്ഷം വരെ സമ്മാനം; ചീഫ് മിനിസ്റ്റേഴ്സ് മെഗാക്വിസ്
സ്കൂള് തല മത്സരങ്ങളില് ഒന്നാം സമ്മാനമായി അഞ്ച് ലക്ഷം രൂപയും രണ്ടാം സമ്മാനമായി മൂന്ന് ലക്ഷം രൂപയും മൂന്നാം സമ്മാനമായി രണ്ട് ലക്ഷം രൂപയും നല്കും.
തിരുവനന്തപുരം: സ്കൂള്, കോളേജ് തല മല്സരങ്ങള് വിദ്യാർത്ഥികളില് അറിവിന്റെയും ബോധത്തിന്റെയും പുതിയ ഉണർവ് സൃഷ്ടിക്കുന്ന ചീഫ് മിനിസ്റ്റേഴ്സ് മെഗാക്വിസ് മത്സരം സംസ്ഥാനവ്യാപകമായി ആരംഭിക്കുന്നു.
സംസ്ഥാനത്തെ 8 മുതല് 12 വരെ ക്ലാസുകളിലുള്ള സ്കൂള് വിദ്യാർത്ഥികള്ക്കും സർവകലാശാലകോളേജ് വിദ്യാർത്ഥികള്ക്കും പ്രത്യേകം വിഭാഗങ്ങളിലായാണ് മത്സരം സംഘടിപ്പിക്കുന്നത്. സ്കൂള് തല മത്സരങ്ങളില് ഒന്നാം സമ്മാനമായി അഞ്ച് ലക്ഷം രൂപയും രണ്ടാം സമ്മാനമായി മൂന്ന് ലക്ഷം രൂപയും മൂന്നാം സമ്മാനമായി രണ്ട് ലക്ഷം രൂപയും നല്കും.
tRootC1469263">കോളേജ് തല മത്സരങ്ങളില് ഒന്നാം സമ്മാനമായി മൂന്ന് ലക്ഷം രൂപയും രണ്ടാം സമ്മാനമായി രണ്ട് ലക്ഷം രൂപയും മൂന്നാം സമ്മാനമായി ഒരു ലക്ഷം രൂപയും ലഭിക്കും. ഇതിന് പുറമേ മെമന്റോയും പ്രശസ്തിപത്രവും വിജയികള്ക്ക് സമ്മാനമായി നല്കും.
സ്കൂള് വിഭാഗത്തില് സ്കൂള്, വിദ്യാഭ്യാസ ജില്ല, ജില്ല, സംസ്ഥാന തലങ്ങളിലായി മത്സരങ്ങള് സംഘടിപ്പിക്കും. സ്കൂള് തലത്തില് വ്യക്തിഗതമായി നടത്തുന്ന മത്സരത്തിനു ശേഷം വിദ്യാഭ്യാസ ജില്ല മുതല് ടീം അടിസ്ഥാനത്തിലായിരിക്കും മത്സരം. സംസ്ഥാന തലത്തില് നടക്കുന്ന ഗ്രാൻഡ് ഫിനാലെയിലൂടെ അന്തിമ വിജയിയെ കണ്ടെത്തും.
കോളേജ് വിഭാഗത്തില് കോളേജ്, ജില്ല, സംസ്ഥാന തലങ്ങളിലായിരിക്കും മത്സരങ്ങള്. കോളേജ് തലത്തില് വ്യക്തിഗതമായും തുടർന്ന് ടീമായും മത്സരിക്കാവുന്ന രീതിയിലാണ് ക്രമീകരണം ജനുവരി 12 മുതല് ക്വിസ് മത്സരങ്ങള് ആരംഭിക്കും. മത്സരത്തില് പങ്കെടുക്കുന്ന എല്ലാവർക്കും ഓണ്ലൈൻ സർട്ടിഫിക്കറ്റ് നല്കും ജില്ലാതല മത്സര വിജയികള്ക്ക് മെമന്റോയും സർട്ടിഫിക്കറ്റും സമ്മാനമായി ലഭിക്കും.
ശരിയുത്തരങ്ങള് നല്കുന്ന കാണികള്ക്കും സമ്മാനം ലഭിക്കുന്ന ജനകീയ മത്സരമായാണ് ജില്ലാതലം മുതല് പരിപാടി സംഘടിപ്പിക്കുന്നത്. കേരള സമൂഹം ഒന്നടങ്കം അണിനിരക്കുന്ന അറിവിന്റെ മഹോത്സവമായി ചീഫ് മിനിസ്റ്റേഴ്സ് മെഗാക്വിസ് മാറും.