.jpg)
കലാകാര പെന്‍ഷന്‍ 1000 രൂപയില്‍ നിന്നും 1600 രൂപയാക്കി; നവകേരള സദസില്‍ മുഖ്യമന്ത്രിക്ക് മുന്നില്‍വെച്ച ആവശ്യങ്ങള്‍ക്ക് ഉടന്‍ തീരുമാനം; അഭിനന്ദിച്ച് സന്തോഷ് കീഴാറ്റൂര്‍
നവകേരള സദസിനെ അഭിനന്ദിച്ച് നടന്‍ സന്തോഷ് കീഴാറ്റൂര്‍. നവകേരള സദസില്‍ മുഖ്യമന്ത്രിയുടെയും മന്ത്രിമാരുടെയും മുന്നില്‍വെച്ച ആവശ്യങ്ങള്‍ക്ക് ഉടന്‍ തീരുമാനമായെന്ന് സന്തോഷ് കീഴാറ്റൂര്‍ പറഞ്ഞു. അവശ കലാകാര പെന്‍ഷന്‍, കേരളത്തിലെ ആദ്യ നാടകശാല തുടങ്ങിയവയേക്കുറിച്ചുള്ള ആവശ്യങ്ങള്‍ക്കാണ് തീര്‍പ്പായതെന്നും സന്തോഷ് കീഴാറ്റൂര്‍ പറഞ്ഞു.
പറഞ്ഞറിയിക്കാന്‍ പറ്റാത്ത സന്തോഷം എന്ന തലക്കെട്ടിലെഴുതിയ കുറിപ്പിലാണ് സന്തോഷ് കീഴാറ്റൂര്‍ നവകേരള സദസിനേയും സര്‍ക്കാരിനേയും അഭിനന്ദിക്കുന്നത്. അവശ കലാകാര പെന്‍ഷന്‍ എന്നത് കലാകാര പെന്‍ഷന്‍ എന്നാക്കാമെന്ന് മുഖ്യമന്ത്രി ഉറപ്പു നല്‍കിയെന്ന് താരം അറിയിച്ചു.
കലാകാരന്മാര്‍ അവശന്മാരല്ലെന്നും കലാകാര പെന്‍ഷന്‍ 1000 രൂപയില്‍ നിന്നും 1600 രൂപയാക്കി വര്‍ധിപ്പിച്ചെന്നും അദ്ദേഹം ചൂണ്ടിക്കാട്ടി.ഉപയോഗശൂന്യമായി കിടക്കുന്ന സര്‍ക്കാര്‍ കെട്ടിടങ്ങള്‍ സിനിമാ ഷൂട്ടിംഗിന് വിട്ടുതരാം എന്ന് മുഖ്യമന്ത്രി ഉറപ്പുനല്‍കി.
സന്തോഷ് കീഴാറ്റൂരിന്റെ കുറിപ്പിന്റെ പൂര്‍ണ്ണരൂപം;
പറത്തറിയിക്കാൻ പറ്റാത്ത
സന്തോഷം
നവകേരള സദസ്സിൽ
മുഖ്യമന്ത്രിയുടെയും
മന്ത്രിമാരുടെയും
മുന്നിൽ
വെച്ച
ആവശ്യങ്ങൾക്ക്
ഉടൻ തീരുമാനം
...
....
അവശ കലാകാര പെൻഷൻ
എന്നത്
കലാകാര പെൻഷൻ
എന്നാക്കാം
എന്ന്
മുഖ്യമന്ത്രി
ഉറപ്പ് നൽകി
...
കലാകാരന്മാർ
അവശന്മാരല്ല
...
മറ്റൊന്ന്
കലാകാര പെൻഷൻ
1000 രൂപയിൽ
നിന്നും
1600
രൂപയാക്കി
വർദിപ്പിച്ചു
ഉപയോഗ ശൂന്യമായി
കിടക്കുന്ന
സർക്കാർ
കെട്ടിടങ്ങൾ
സിനിമാ
ഷൂട്ടിംഗിന്
വിട്ടു തരാം
എന്ന്
മുഖ്യമന്ത്രി
ഉറപ്പ്
നൽകി
.....
കേരളത്തിലെ
ആദ്യ നാടക ശാല
കായംകുളത്ത്
തോപ്പിൽ ഭാസി
സ്മാരക നാടക ശാല
...
നവ കേരള സദസ്സ്
ജനപ്രിയ മാവുന്നു
കേരള സർക്കാർ
......
...
കൈയ്യടിക്കേണ്ടവർക്ക്
കൈയ്യടി ക്കാം
വിമർശിക്കുന്നവർ
വിമർശിച്ചു കൊണ്ടേ ഇരിക്കുക
