സൈനബ വധക്കേസ് ; നിര്‍ണായക തെളിവെടുപ്പ് ഇന്ന്

കോഴിക്കോട് കുറ്റിക്കാട്ടൂര്‍ സൈനബ വധക്കേസില്‍ നിര്‍ണായകമായ തെളിവെടുപ്പ് ഇന്ന് നടക്കും. പ്രതികളായ സമദിനേയും സുലൈമാനേയും ഒരുമിച്ച് സൈനബയുടെ മൃതദേഹം ഉപേക്ഷിച്ച നാടുകാണി ചുരത്തിലും ഗൂഡല്ലൂരിലും എത്തിച്ച് തെളിവെടുപ്പ് നടത്തും.

കൊലപാതകത്തിന് ഉപയോഗിച്ച സൈനബയുടെ ഷാള്‍ കണ്ടെത്തുകയാണ് അന്വേഷണ സംഘത്തിന്റെ ലക്ഷ്യം.ഒന്നാം പ്രതി സമദുമായുള്ള തെളിവെടുപ്പിനിടെ സൈനബയുടെ ഫോണ്‍ കണ്ടെത്തിയിരുന്നു. കൊലപാതകം നടത്തിയത് കാറില്‍ വച്ചായിരുന്നു. ഈ കാര്‍ താനൂരില്‍ വച്ച് കസ്റ്റഡിയില്‍ എടുത്തിരുന്നു.