ശബരിമല തീർത്ഥാടന കാലം: കെഎസ്ആർടിസി ബസ് സ്റ്റേഷനുകളിൽ അയ്യപ്പഭക്തർക്കായി വിരിപ്പന്തലുകൾ സജ്ജമായി

Sabarimala pilgrimage season: Tents set up for Ayyappa devotees at KSRTC bus stations

തിരുവനന്തപുരം: ശബരിമല മണ്ഡല-മകരവിളക്ക് മഹോത്സവത്തോടനുബന്ധിച്ച് സംസ്ഥാനത്തെ വിവിധ കെഎസ്ആർടിസി ബസ് സ്റ്റേഷനുകളിൽ അയ്യപ്പഭക്തർക്കായി വിരിപ്പന്തലുകളും വിശ്രമകേന്ദ്രങ്ങളും സജ്ജീകരിച്ചു. ഭക്തർക്ക് സൗകര്യപ്രദമായി വിശ്രമിക്കുന്നതിനായി കസേരകൾ, ഫാനുകൾ, ശുദ്ധജലം തുടങ്ങിയ അടിസ്ഥാന സൗകര്യങ്ങളെല്ലാം വിരിപ്പന്തലുകളിൽ ഉറപ്പാക്കിയിട്ടുണ്ട്.

ഇതിന് പുറമെ അയ്യപ്പഭക്തർക്ക് വിരി വയ്ക്കുന്നതിനും, നാമജപത്തിനും, വിളക്ക് തെളിക്കുന്നതിനുമുള്ള പ്രത്യേക സൗകര്യങ്ങളും ഒരുക്കിയിട്ടുണ്ട്. കെഎസ്ആർടിസി ബസ് സർവീസുകളുടെ സമയവിവരങ്ങൾ ഭക്തർക്ക് എളുപ്പത്തിൽ അറിയുന്നതിനുള്ള ക്രമീകരണങ്ങളും ഇവിടെ ലഭ്യമാണ്. ദീർഘദൂര യാത്രകൾക്കിടയിലും ശബരിമലയിലേക്കുള്ള യാത്രയിലും ക്ഷീണിതരാകുന്ന തീർത്ഥാടകർക്ക് സുരക്ഷിതമായി അൽപ്പസമയം വിശ്രമിക്കാനും തുടർയാത്രയ്ക്ക് തയ്യാറെടുക്കാനും ഈ ഇടത്താവളങ്ങൾ വലിയ സഹായമാകും.

തീർത്ഥാടനകാലത്ത് കെഎസ്ആർടിസി ബസ് സ്റ്റേഷനുകളിലെത്തുന്ന അയ്യപ്പഭക്തർ ഈ സൗകര്യങ്ങൾ പരമാവധി പ്രയോജനപ്പെടുത്തണമെന്ന് അധികൃതർ അറിയിച്ചു. ഭക്തജനങ്ങൾക്ക് കൂടുതൽ സുരക്ഷിതവും സൗകര്യപ്രദവുമായ തീർത്ഥാടനാനുഭവം ഉറപ്പാക്കുന്നതിന്റെ ഭാഗമായാണ് വിവിധ ഡിപ്പോകളിൽ കെഎസ്ആർടിസി വിപുലമായ ക്രമീകരണങ്ങൾ ഏർപ്പെടുത്തിയിരിക്കുന്നത്.

Tags