.jpg)
ശബരിമല സ്വര്ണക്കൊള്ള; പ്രതികളുടെ ജാമ്യാപേക്ഷ കൊല്ലം വിജിലന്സ് കോടതി ഇന്ന് പരിഗണിക്കും
മുന് ദേവസ്വം പ്രസിഡന്റ് എന് വാസുവും തിരുവാഭരണം കമ്മീഷണര് കെ എസ് ബൈജുവുമാണ് ജാമ്യാപേക്ഷ നല്കിയിട്ടുള്ളത്
ശബരിമല സ്വര്ണക്കൊള്ളയില് പ്രതികളുടെ ജാമ്യാപേക്ഷ കൊല്ലം വിജിലന്സ് കോടതി ഇന്ന് പരിഗണിക്കും. മുന് ദേവസ്വം പ്രസിഡന്റ് എന് വാസുവും തിരുവാഭരണം കമ്മീഷണര് കെ എസ് ബൈജുവുമാണ് ജാമ്യാപേക്ഷ നല്കിയിട്ടുള്ളത്. കേസില് സിപിഎം നേതാവ് എ പത്മകുമാറിനെ കസ്റ്റഡിയില് വാങ്ങാനുള്ള എസ്ഐടി അപേക്ഷ നാളെയാണ് പരിഗണിക്കുക.
tRootC1469263">പ്രതിയായ എന് വാസുവിനെ കൈവിലങ്ങ് അണിയിച്ച് കോടതിയില് ഹാജരാക്കിയതില് പൊലീസുകാര്ക്കെതിരെ നടപടിക്കും സാധ്യതയുണ്ടെന്നാണ് വിവരം. തിരുവനന്തപുരം എആര് ക്യാമ്പിലെ പൊലീസ് ഉദ്യോഗസ്ഥരാണ് പൂജപ്പുര സെന്ട്രല് ജയിലില് നിന്നും വാസുവിനെ കൈവിലങ്ങ് അണിയിച്ച് കൊല്ലത്തെ വിജിലന്സ് കോടതിയില് ഹാജരാക്കിയത്. കൈവിലങ്ങ് ഏതൊക്കെ പ്രതികള്ക്ക് വെക്കണമെന്ന് ബിഎന്എസ് നിയമത്തില് പ്രതിപാദിക്കുന്നതിന് വിരുദ്ധമായ നടപടിയാണിതെന്ന് സ്പെഷ്യല് ബ്രാഞ്ച് ഡിജിപിക്ക് റിപ്പോര്ട്ട് നല്കി. നടപടിയില് ഡിജിപിക്കും അതൃപ്തിയുണ്ട്. പ്രതിയുടെ പ്രായം, ഏതൊക്കെ കുറ്റകൃത്യങ്ങളില് ഉള്പ്പെട്ടവരെയാണ് കൈവിലങ്ങ് വെക്കേണ്ടത് തുടങ്ങിയ നിയമകാര്യങ്ങളൊന്നും പരിഗണിക്കാതെ കൈവിലങ്ങ് വെച്ചത് സര്ക്കാരിനും അവമതിപ്പുണ്ടാക്കിയെന്നാണ് പറയുന്നത്. എസ്ഐടി ഉദ്യോഗസ്ഥരും അറിയാതെയാണ് ഇത് നടന്നതെന്നും എആര് ക്യാമ്പിലെ പൊലീസുകാര്ക്കെതിരെ നടപടിയുണ്ടാകുമെന്നുമാണ് സൂചന.
എന് വാസുവിന്റെ റിമാന്ഡ് കാലാവധി ഇന്നലെ 14 ദിവസത്തേക്ക് കൂടി നീട്ടിയിട്ടുണ്ട്. കൊല്ലം വിജിലന്സ് കോടതിയാണ് റിമാന്ഡ് കാലാവധി നീട്ടി ഉത്തരവിറക്കിയത്.
പത്മകുമാറിനെ ഇന്ന് കോടതിയില് ഹാജരാക്കും. ഉണ്ണിക്കൃഷ്ണന് പോറ്റിയുമായുള്ള ഇടപാടുകളില് വിശദമായ പരിശോധനയക്കാണ് പത്മകുമാറിനെ എസ്ഐടി കസ്റ്റഡിയില് വാങ്ങുന്നത്.