ശബരിമല സ്വർണ്ണക്കൊള്ള കേസ് ; എ പത്മകുമാറിന് സിപിഐഎം പാർട്ടി അംഗത്വത്തിൽ നിന്നും സസ്പെൻഷൻ

 ശബരിമല സ്വർണ്ണക്കൊള്ളക്കേസിൽ പ്രതിചേർക്കപ്പെട്ട തിരുവിതാംകൂർ ദേവസ്വം ബോർഡ് മുൻ ചെയർമാൻ എ. പത്മകുമാറിനെ സിപിഐഎം പാർട്ടി അംഗത്വത്തിൽ നിന്നും സസ്‌പെൻഡ് ചെയ്തു. സംസ്ഥാന സമിതിയുടെ പൂർണ്ണ അനുമതിയോടെ ഇന്ന് ചേർന്ന പത്തനംതിട്ട ജില്ലാ കമ്മിറ്റി യോഗത്തിലാണ് ഈ തീരുമാനമുണ്ടായത്.

പത്മകുമാറിനെ പാർട്ടിയിൽ നിന്ന് നേരിട്ട് പുറത്താക്കണമെന്ന് ജില്ലാ കമ്മിറ്റി നേരത്തെ ശക്തമായി ശുപാർശ ചെയ്തിരുന്നെങ്കിലും ഒടുവിൽ നടപടി സസ്‌പെൻഷനിൽ ഒതുക്കുകയായിരുന്നു. നിലവിൽ സസ്‌പെൻഷൻ നടപടി മാത്രമാണെന്നും പുറത്താക്കുന്നതുൾപ്പെടെയുള്ള തുടർന്നുള്ള തീരുമാനങ്ങൾ പിന്നീട് കൈക്കൊള്ളുമെന്നുമാണ് സിപിഐഎം ജില്ലാ സെക്രട്ടറി രാജു എബ്രഹാം വ്യക്തമാക്കുന്നത്.